പത്തനംതിട്ട: ശബരിമലയില്‍ നിരോധനാജ്ഞ നീട്ടേണ്ടതില്ലെന്ന് കാണിച്ച് തഹസില്‍ദാറുടെ റിപ്പോര്‍ട്ട്. റാന്നി, കോന്നി തഹസില്‍ദാര്‍മാരാണ് റിപ്പോര്‍ട്ട് തയ്യാറാക്കിയത്.

ഇപ്പോഴത്തെ സാഹരചര്യത്തില്‍ ശബരിമല സന്നിധാനത്ത് സംഘര്‍ഷ സാധ്യത ഇല്ല. പ്രതിഷേധക്കാര്‍ സന്നിധാനത്ത് ഉണ്ടെങ്കിലും പ്രകോപനപരായ സംഭവം ഒന്നും നടക്കുന്നില്ലെന്നും റിപ്പോര്‍ട്ടില്‍ ചൂണ്ടിക്കാണിക്കുന്നു.

അതിനാല്‍ സന്നിധാനത്ത് സ്ഥാപിച്ചിട്ടുള്ള മുഴുവന്‍ ബാരിക്കേഡുകളും നീക്കി തീര്‍ഥാടകര്‍ക്ക് സുഗമമായി സഞ്ചരിക്കാനുള്ള അവസരമൊരുക്കണമെന്നും റിപ്പോര്‍ട്ടില്‍ പറയുന്നു.

റിപ്പോര്‍ട്ട് പത്തനംതിട്ട ജില്ലാ കലക്ടര്‍ക്ക് കൈമാറും.