കൊടുങ്ങല്ലൂര്‍: കൊടുങ്ങല്ലൂരില്‍ കഞ്ചാവുമായി ഒരാള്‍ കൂടി അറസ്റ്റില്‍. കൊടുങ്ങല്ലൂര്‍ ചാപ്പാറ സ്വദേശി തൊഴുത്തുങ്ങപറമ്പില്‍ സാലിഹി (20)നെയാണ് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി.കെ അഷ്‌റഫും സംഘവും പിടികൂടിയത്. ഇയാളുടെ പക്കല്‍ നിന്നും ചെറിയ പൊതികളിലായി സൂക്ഷിച്ചിരുന്ന കഞ്ചാവ് കണ്ടെടുത്തു.
കഴിഞ്ഞ ദിവസം പിടിയിലായ കഞ്ചാവ് വില്‍പ്പനക്കാരനായ അന്‍സിലില്‍ നിന്നും ലഭിച്ച വിവരങ്ങളുടെ അടിസ്ഥാനത്തിലാണ് സാലിഹിനെ പൊരി ബസാറില്‍ നിന്നും അറസ്റ്റ് ചെയ്തത്. ഓര്‍ഡര്‍ അനുസരിച്ച് അന്‍സിലിന്റെ കയ്യില്‍ നിന്നും കഞ്ചാവ് വാങ്ങി ആവശ്യക്കാര്‍ക്ക് എത്തിച്ചു നല്‍കുകയാണ് സാലിഹിന്റെ പതിവ്. കെ.എ ജയദേവന്‍, ടി.കെ.അബ്ദുള്‍ നിയാസ്, ടി.എസ് സുനില്‍കുമാര്‍, സി.എ സാബു, പി.ആര്‍ സുനില്‍കുമാര്‍, ടി.ആര്‍ സുനില്‍, ടി.പി രാധാകൃഷ്ണന്‍ എന്നിവരും അന്വേഷണ സംഘത്തിലുണ്ടായിരുന്നു.