തിരുവനന്തപുരം: തന്റെ രാജി നിരുപാധികമാണെന്ന് മാത്യു ടി തോമസ്. സ്ഥാനമാനങ്ങളോട് തനിക്ക് ഭ്രമമില്ലെന്നും രാജിക്കത്ത് കൈമാറിയ ശേഷം മാധ്യമപ്രവര്‍ത്തകരോട് അദ്ദേഹം പറഞ്ഞു. പാര്‍ട്ടി പിളരില്ലെന്ന് അദ്ദേഹം ആവര്‍ത്തിച്ചു.

വലതുപക്ഷത്തിനേക്ക് പോവില്ല. സോഷ്യലിസ്റ്റ് ആശയമുള്ളവരുടെ സ്വാഭാവിക സ്ഥാനം ഇടതിനൊപ്പമാണ്. പൂര്‍ണ സംതൃപ്തനല്ലെങ്കിലും ഭരണ കാലയളവിനുള്ളില്‍ നല്ല കാര്യങ്ങള്‍ ചെയ്യാനായെന്നാണ് വിശ്വാസമെന്നും അദ്ദേഹം കൂട്ടിച്ചേര്‍ത്തു.

ക്ലിഫ്ഹൗസിലെത്തി അദ്ദേഹം മുഖ്യമന്ത്രിക്ക് നേരിട്ടാണ് രാജിക്കത്ത് കൈമാറിയത്.