പത്തനംതിട്ട: മതവികാരം വ്രണപ്പെടുത്താന്‍ ശ്രമിച്ചെന്ന കേസില്‍ രഹ്ന മനോജിനെ പൊലിസ് അറസ്റ്റ് ചെയ്തു. കൊച്ചിയില്‍ നിന്നും പത്തനംതിട്ട പൊലിസാണ് രഹ്നയെ അറസ്റ്റ് ചെയ്തത്.

രഹ്നയുടെ മുന്‍കൂര്‍ ജാമ്യാപേക്ഷ ഹൈക്കോടതി നേരത്തെ തള്ളിയിരുന്നു. ജാമ്യാപേക്ഷ തള്ളിയ കോടതി പൊലിസിന് തുടര്‍നടപടികളുമായി മുന്നോട്ട് പോകാമെന്നും നിര്‍ദ്ദേശിച്ചിരുന്നു.

സാമൂഹ മാധ്യമങ്ങളില്‍ മതവികാരം വ്രണപ്പെടുത്തുന്ന തരത്തിലുള്ള പോസ്റ്റുകള്‍ ഇട്ടതിനെത്തുടര്‍ന്ന് എറണാകുളം സ്വദേശിയായ രഹ്ന മനോജിനെതിരേ പത്തനംതിട്ട പൊലിസ് കേസ് രജിസ്റ്റര്‍ ചെയ്തിരുന്നു. ബി.ജെ.പി നേതാവ് ആര്‍. രാധാകൃഷ്ണമേനോന്‍ പത്തനംതിട്ട ജില്ലാ പൊലീസ് മേധാവിക്ക് നല്‍കിയ പരാതിയെ തുടര്‍ന്നാണ് കേസ് രജിസ്റ്റര്‍ ചെയ്തത്.