ശ്രീകണ്ഠപുരം: സ്വാര്‍ഥതയും കപട സ്‌നേഹവും കൈമുതലാക്കി മുന്‍കൂട്ടി തയാറാക്കിയ തിരക്കഥയിലൂടെ പ്രവര്‍ത്തകരെ വഞ്ചിച്ച് സി.പി.എം പാളയത്തിലെത്തിയ മൂസാന്‍ കുട്ടിയുടെ ഇരട്ട മുഖം സമൂഹം തിരിച്ചറിയുമെന്ന് ഇരിക്കൂര്‍ മണ്ഡലം യൂത്ത് ലീഗ് കമ്മിറ്റി. പാര്‍ട്ടി അച്ചടക്ക നടപടി നേരിട്ട സമയത്ത് തിരിച്ചെടുക്കുന്നതിനായി മണ്ഡലം യൂത്ത് ലീഗ് ശ്രമിക്കുന്നതിനിടെ പലതരത്തിലുള്ള കാരണങ്ങള്‍ പറഞ്ഞ് ഒഴിഞ്ഞുമാറിയത് സി.പി.എമ്മുമായി ഉണ്ടാക്കിയ മുന്‍ധാരണയുടെ ഭാഗമാണ്. പാര്‍ട്ടിയില്‍ നിന്നു പുറത്താക്കിയതിനു ശേഷം ഇല്ലാത്ത മോഹന വാഗ്ദാനങ്ങള്‍ നല്‍കി യൂത്ത് ലീഗ് പ്രവര്‍ത്തകരുടെ പിറകെ നടന്ന് ചതിക്കുഴിയില്‍ വീഴ്ത്താനുള്ള ശ്രമം അപഹാസ്യമാണെന്നും യോഗം കുറ്റപ്പെടുത്തി. ബി. അബ്ദുല്‍ നാസര്‍ അധ്യക്ഷനായി. എന്‍.പി റഷീദ് ഉദ്ഘാടനം ചെയ്തു. എം.എ ഖലീല്‍ റഹ്മാന്‍, ഖാദര്‍ കൗപ്രം, അജ്മല്‍ ചുഴലി, എ.പി മര്‍സൂഖ്, ഹാരിസ് ചുഴലി, എ.പി ജാഫര്‍ സാദിഖ്, ടി.പി ഹസീബ്, കെ. ഷമീര്‍, ബഷീര്‍ ശ്രീകണ്ഠപുരം, കബീര്‍ നുച്യാട്, സുഫൈദ് ഉദയഗിരി സംസാരിച്ചു.