തിരുവനന്തപുരം: വര്‍ഷങ്ങളായി ജോലി ചെയ്തിട്ടും നിയമനാംഗീകാരവും ശമ്പളവും ലഭിക്കാത്തതില്‍ പ്രതിഷേധിച്ച് കേരള നോണ്‍ അപ്രൂവല്‍ ടീച്ചേഴ്‌സ് അസോസിയേഷന്റെ നേതൃത്വത്തില്‍ എയ്ഡഡ് സ്‌കൂള്‍ അധ്യാപകര്‍ നാളെ സെക്രട്ടേറിയറ്റിലേക്ക് കണ്ണീര്‍ മാര്‍ച്ച് നടത്തും.
സംസ്ഥാനത്തെ എയ്ഡഡ് സ്‌കൂളുകളില്‍ 2016 മുതല്‍ 2019 വരെ അധിക തസ്തികയിലും റിട്ടയര്‍മെന്റ് തസ്തികയിലും പ്രമോഷന്‍ തസ്തികയിലും ലീവ് വേക്കന്‍സിയിലും നിയമനം നേടിയിട്ടുള്ള 4500 അധ്യാപകരാണ് നിയമനാംഗീകാരം ലഭിക്കാതെ ദുരിതം നേരിടുന്നത്.
2017 മുതല്‍ ഈ ആവശ്യമുന്നയിച്ച് എയ്ഡഡ് സ്‌കൂള്‍ അധ്യാപകര്‍ സമരങ്ങള്‍ നടത്തി വരികയാണ്. മാര്‍ച്ച് പ്രതിപക്ഷനേതാവ് രമേശ് ചെന്നിത്തല ഉദ്ഘാടനം ചെയ്യും.