നിലമ്പൂര്‍: വനം വകുപ്പന്റെ കീഴിലുള്ള ചന്തക്കുന്ന് ഡി.എഫ്.ഒ. ബംഗ്ലാവ് സംരക്ഷിത സ്മാരകമാക്കുന്നത് പരിഗണിക്കാമെന്ന് പുരാവസ്തു സംരക്ഷണ വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു.
നിയമസഭയില്‍ പി.വി. അന്‍വര്‍ എം.എല്‍.എയുടെ ചോദ്യത്തിന് മറുപടി പറയുകയായിരുന്നു മന്ത്രി. ജീര്‍ണ്ണാവസ്ഥയിലായ കെട്ടിടം നവീകരിച്ച് സഞ്ചാരികള്‍ക്ക് സന്ദര്‍ശനം അനുവദിക്കാനാകുമോയെന്ന് പി.വി. അന്‍വര്‍ ചോദ്യം ഉന്നയിച്ചിരുന്നു.
കെട്ടിടത്തിന്റെ ചരിത്രപരവും പുരാവസ്തുപരവുമായ പ്രാധാന്യം പരിശോധിച്ച് വനം വകുപ്പിന്റെ കൂടി അനുമതിയോടെ സംരക്ഷിത സ്മാരകമായി വിജ്ഞാപനം ചെയ്താല്‍ സംരക്ഷണ നവീകരണ പ്രവര്‍ത്തനങ്ങള്‍ പുരാവസ്തു വകുപ്പിന് ചെയ്യാനാകുമെന്നും മന്ത്രി അറിയിച്ചു.