എരമല്ലൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ ചന്തിരൂര്‍ റെയ്ഞ്ചിന്റെ വാര്‍ഷിക ജനറല്‍ ബോഡി യോഗവും റേയ്ഞ്ചുതല ശില്‍പശാലയും സുപ്രഭാതം ക്യാംപയിന്‍ ഉദ്ഘാടനവും ഇന്നു രാവിലെ ഏഴിന്  അരൂര്‍ ചെട്ടുതറ ഇഹിയാഉല്‍ ഇസ്‌ലാം മദ്രസാ ഹാളില്‍ എം ഹസന്‍ സഖാഫി നിര്‍വഹിക്കും. സുലൈമാന്‍ മുസ്‌ലിയാര്‍ മുഫത്തിഷ്   അധ്യക്ഷനാവും.
എസ്.കെ.ജെ.എം സെക്രട്ടറി ജഅ്ഫര്‍ മുസ്‌ലിയാര്‍ മുഖ്യപ്രഭാഷണം നടത്തും. പി.കെ. അബ്ദുള്‍ ജലീല്‍, അഹമ്മദ് കുട്ടി ഹാജി, സിയാദ്, സെയ്തുമുഹമ്മദ് അല്‍ഖാസിമി, കെ ബഷീര്‍ മൗലവി, സുലൈമാന്‍ ദാരിമി എന്നിവര്‍ പങ്കെടുക്കും.