തൊടുപുഴ: ഓണത്തോടനുബന്ധിച്ച് മദ്യ-മയക്കുമരുന്ന് വ്യാപനം തടയുന്നതിനും അതുമായി ബന്ധപ്പെട്ട കുറ്റകൃത്യങ്ങള്‍ നേരിടുന്നതിനുമായി എക്‌സൈസ് കമ്മിഷണര്‍ ഋഷിരാജ് സിങ്ങിന്റെ നിര്‍ദേശപ്രകാരം ജില്ലയില്‍ എന്‍ഫോഴസ്‌മെന്റ് പ്രവര്‍ത്തനം ശക്തിപ്പെടുത്തി. ഇതിന്റെ ഭാഗമായി ഇടുക്കി എക്‌സൈസ് ഡിവിഷന്‍ ഓഫീസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു.
ഓണാഘോഷത്തോടനുബന്ധിച്ച് മദ്യം, മയക്കുമരുന്ന്, മറ്റ് ലഹരിവസ്തുക്കള്‍ എന്നിവയുടെ ശേഖരണം, കടത്ത്, ഉപയോഗം എന്നിവ തടയുന്നതിന് പൊതുജനങ്ങള്‍, ജനപ്രതിനിധികള്‍, കുടുംബശ്രീ യൂണിറ്റുകള്‍, റസിഡന്‍സ് അസോസിയേഷനുകള്‍, വനിതാസംഘടനകള്‍, ഇതര സര്‍ക്കാര്‍ വകുപ്പുകള്‍ എന്നിവയുടെ സഹകരണം എക്‌സൈസ് വകുപ്പ് അഭ്യര്‍ഥിച്ചു. വ്യാജമദ്യം, മയക്കുമരുന്ന് എന്നിവയെക്കുറിച്ച വിവരം ലഭിച്ചാല്‍ ഉടനെ തൊടുപുഴയില്‍ പ്രവര്‍ത്തിക്കുന്ന എക്‌സൈസ് വകുപ്പിന്റെ ഡിവിഷണല്‍ കണ്‍ട്രോള്‍ റൂമിലോ മറ്റ് ഓഫീസുകളിലോ അറിയിക്കണം. ഇത്തരത്തില്‍ ലഭിക്കുന്ന വിവരങ്ങളില്‍ അടിന്തരനടപടികള്‍ സ്വീകരിക്കുന്നതിന് ജില്ലയല്‍ 24 മണിക്കൂറും പ്രവര്‍ത്തിക്കുന്ന രണ്ട് സ്‌ട്രൈക്കിങ് ഫോഴ്‌സ് ടീമിനെ നിയോഗിച്ചിട്ടുണ്ട്.
സര്‍ക്കാര്‍ ലൈസന്‍സുള്ള സ്ഥാപനങ്ങളില്‍നിന്നല്ലാതെ ആരും മദ്യം വാങ്ങി ഉപയോഗിക്കരുതെന്നും കീടനാശിനിയും മറ്റും വരുന്ന കുപ്പികളില്‍ മദ്യം പകര്‍ന്ന് വാങ്ങരുതെന്നും അത് ഉപയോഗിക്കുന്നത് ഗുരുതരമായ ആരോഗ്യപ്രശ്‌നങ്ങള്‍ക്ക് ഇടവരുത്തുമെന്നും എക്‌സൈസ് വകുപ്പ് അറിയിപ്പില്‍ പറഞ്ഞു.
പൊതുജനങ്ങള്‍ക്ക് വിവരങ്ങള്‍ അറിയിക്കുന്നതിനുള്ള ടെലിഫോണ്‍ നമ്പരുകള്‍ ഇവയാണ്. ജില്ലാതല എക്‌സൈസ് കണ്‍ട്രോള്‍ റൂം-ടോള്‍ ഫ്രീ നമ്പര്‍: 18004253415. ഹോട്ട്‌ലൈന്‍ നമ്പര്‍: 155358. ഡെപ്യൂട്ടി എക്‌സൈസ് കമ്മിഷണര്‍ തൊടുപുഴ: 04862-222493, 9447178058. അസിസ്റ്റന്റ് എക്‌സൈസ് കമ്മിഷണര്‍, ഇടുക്കി: 04862-232469, 9496002866. സ്‌പെഷല്‍ സ്‌ക്വാഡ് ഇടുക്കി: 04862-232469, 9400069532. നാര്‍ക്കോട്ടിക് എന്‍ഫോഴ്‌സ്‌മെന്റ് സ്‌ക്വാഡ് അടിമാലി: 04864-225782, 9400069534. എക്‌സൈസ് സര്‍ക്കിള്‍ ഓഫീസുകള്‍-തൊടുപുഴ: 04862-223147, 9400069530. പീരുമേട്: 04869-232018, 9400069526. മൂന്നാര്‍: 04864-278356, 9400069524. ഉടുമ്പന്‍ചോല: 04868-233247, 9400069528. എക്‌സൈസ് റേഞ്ച് ഓഫീസുകള്‍: തൊടുപുഴ: 04862-2285449400069544. ഇടുക്കി: 04862-233114, 9400069543. ദേവികുളം: 04865-230806, 9400069536. കട്ടപ്പന: 04868-274465, 9400069540, വണ്ടിപ്പെരിയാര്‍: 04869-253173, 9400069541. ഉടുമ്പന്‍ചോല: 04868-243280, 9400069539.