കൊയിലാണ്ടി: കേരളത്തിലെ പൊതുഗതാഗത രംഗത്ത് കാതലായ പരിഷ്‌കാരങ്ങള്‍ നടത്തുന്നതോടൊപ്പം പൊതുജനസഹകരണത്തോടെ കെ.എസ്.ആര്‍.ടി.സി.യെ ശക്തിപ്പെടുത്തുമെന്ന് ഗതാഗത വകുപ്പ് മന്ത്രി എ.കെ  ശശീന്ദ്രന്‍ പറഞ്ഞു. കൊയിലാണ്ടി ബ്ലോക്ക് എന്‍.സി.പി കമ്മിറ്റി നല്‍കിയ സ്വീകരണ യോഗത്തില്‍ സംസാരിക്കുകയായിരുന്നു അദ്ദേഹം. വിവിധ പാര്‍ട്ടികളില്‍നിന്നും എന്‍.സി.പിയില്‍ ചേര്‍ന്ന പ്രവര്‍ത്തകരെ മന്ത്രി ഹാരാര്‍പ്പണം ചെയ്തു. സ്വീകരണ യോഗം എന്‍.സി.പി ജില്ലാ പ്രസിഡന്റ് മുക്കം മുഹമ്മദ് ഉദ്ഘാടനം ചെയ്തു. ചാത്തപ്പന്‍ മാസ്റ്റര്‍, പി.കെ.എം ബാലകൃഷ്ണന്‍, കെ.ടി.എം കോയ, ഇ.എസ് രാജന്‍, സി ശങ്കരന്‍, ജയരാജ്, ചേനോത്ത് ഭാസ്‌കരന്‍, കെ.കെ ശ്രീഷു, പുത്തലത്ത് ബാലന്‍ സംസാരിച്ചു. സി രമേശന്‍ അധ്യക്ഷനായി.