ശ്രീകൃഷ്ണപുരം: മണ്ണമ്പറ്റ എ.എല്‍ പി സ്‌കൂളിലെ കുട്ടികള്‍ ഇന്ന് നടത്തിയ യാത്ര ശ്രദ്ധേയമായി. തൊഴിലിടങ്ങളും തൊഴിലുപകരണങ്ങളും പരിചയപ്പെടുക എന്ന പഠനപ്രവര്‍ത്തനങ്ങള്‍ക്ക് കാഴ്ച്ചാനുഭവങ്ങള്‍ നല്‍കാനാണ് അധ്യാപകര്‍ ഈ യാത്ര സംഘടിപ്പിച്ചത്. വീടു നിര്‍മാണത്തിനുള്ള കട്ട നിര്‍മ്മാണം, കളിമണ്‍ രൂപങ്ങളുണ്ടാക്കല്‍, മരങ്ങള്‍ കൊണ്ടുള്ള ഉപകരണങ്ങള്‍ ഉണ്ടാക്കല്‍, നെയ്ത്ത് എന്നീ തൊഴിലിടങ്ങളിലെല്ലാം കുട്ടികളെത്തി ' അവരുപയോഗിക്കുന്ന തൊഴിലായുധങ്ങള്‍, തൊഴില്‍ രീതികള്‍ ഉപയോഗിക്കുന്ന സാധനങ്ങള്‍ എല്ലാം അവര്‍ ചോദിച്ചറിഞ്ഞു. കളിമണ്ണ് കറക്കിയെടുത്ത് നിമിഷങ്ങള്‍ക്കകം പല രൂപത്തിലുള്ള പാത്രങ്ങളുണ്ടാക്കിയെടുക്കല്‍ കുട്ടികള്‍ക്ക് വിസ്മയമായി.മംഗലാംകുന്ന് ഭരതേട്ടന്റെയും മകന്‍ ജിഷ്ണുവിന്റെയും കൂടെ കളിമണ്‍പണിക്ക് കുട്ടികളും കൂടി .'പാത്ര നിര്‍മാണം, ചൂളയ്ക്കിടല്‍, കളിമണ്‍ സംസ്‌കരണം എന്നിവയെ കുറിച്ചെല്ലാം ഇവര്‍ കുട്ടികളോട് സംസാരിച്ചു. തുടര്‍ന്ന് മണ്ണമ്പറ്റ മണികണ്ഠന്റെ ഹോളോബ്രിക്‌സ് നിര്‍മാണ ശാല, മൂടേ ങ്ങാട് ചന്ദ്രന്റെ മരപ്പണിശാല, പുളിയക്കാട്ടു തെരുവ് കൃഷ്ണ രാജന്റെ നെയ്ത്തു ശാല എന്നിവടങ്ങളും കുട്ടികള്‍ സന്ദര്‍ശിച്ചു.