എടവണ്ണപ്പാറ: നാല് അനാഥ പെണ്‍കുട്ടികളുടെ നിക്കാഹ് കര്‍മത്തോടെ ഏഴുദിവസം നീണ്ടുനിന്ന ആക്കോട് വിരിപ്പാടം ഇസ്‌ലാമിക് സെന്റര്‍ പതിനാറാം വാര്‍ഷികാഘോഷം സമാപിച്ചു. എണ്‍പതിലധികം വരുന്ന യതീംകുട്ടികളെ എല്ലാ ചെലവുകളും വഹിച്ച് അവരവരുടെ വീടുകളില്‍ ഉമ്മാമ്മമാരുടെ സ്‌നേഹപരിലാളനയില്‍ സംരക്ഷിക്കുന്ന ഇസ്‌ലാമിക് സെന്ററിന്റെ സവിശേഷ അനാഥ സംരക്ഷണ പദ്ധതിയില്‍ ഉള്‍പ്പെട്ട നാല് പെണ്‍കുട്ടികളാണ് സമാപന വേദിയില്‍ മത സാമൂഹ്യ രംഗത്തെ പ്രഗല്‍ഭരുടെ സാന്നിധ്യത്തില്‍ സുമംഗലികളായത്.
പാണക്കാട് സയ്യിദ് ഹമീദലി ശിഹാബ് തങ്ങള്‍ പരിപാടിയുടെ ഉദ്ഘാടനവും നിക്കാഹ് കാര്‍മികത്വവും വഹിച്ചു. വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥന നടത്തി.
ഇസ്‌ലാമിക് സെന്റര്‍ ട്രഷറര്‍ എം.പി അബ്ദുല്ല ഹാജി പാറക്കടവ് അധ്യക്ഷനായി.
ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി മുഖ്യപ്രഭാഷണം നടത്തി. പി.കെ കുഞ്ഞാലിക്കുട്ടി എം.പി മുഖ്യാതിഥിയായി.
അബ്ദുല്‍ ഹമീദ് ഫൈസി അമ്പലക്കടവ്, മുസ്തഫ ഹുദവി ആക്കോട്, ആബിദ് ഹുദവി തച്ചണ്ണ, റഷീദ് ഫൈസി വെള്ളായിക്കോട് സംസാരിച്ചു. സമാപന ദുആ സംഗമത്തിന് സയ്യിദ് മുഹമ്മദ് കോയതങ്ങള്‍ ജമലുല്ലൈലി നേതൃത്വം നല്‍കി.
പി.എ ജബ്ബാര്‍ ഹാജി, അഷ്‌റഫ് ഹാജി പട്ടാര, ടീ ടൈം ബഷീര്‍, സൂര്യ ഗഫൂര്‍, മറ്റത് അബ്ബാസ് ഹാജി, കെ.കെ സൂപ്പിഹാജി, ഇബ്രാഹീം ഹാജി കുറുഞ്ഞാലിയോട്, ആലിയ നിസാര്‍, അബൂട്ടിഹാജി മട്ടന്നൂര്‍, പി.എം.എ ശമീര്‍ അഴിഞ്ഞിലം, അബൂബക്കര്‍ ഹാജി പൊയിലൂര്‍, മൂസഹാജി മസ്‌കാര്‍, സുലൈമാന്‍ ഹാജി കിഴിശ്ശേരി, ഫാറൂഖ് ഹാജി ബാംഗ്ലൂര്‍, ഹാരിസ് ഹാജി, നാസര്‍ ഹാജി ബാംഗ്ലൂര്‍, പി.കെ.സി അബ്ദുറഹ്മാന്‍ മാസ്റ്റര്‍, കെ.ഒ ആലിഹാജി, പി.എ റഹീം, ജൈസല്‍ എളമരം, സി.കെ ശാക്കിര്‍ ആക്കോട്, സി.വി.എ കബീര്‍, ഡോ. എ.ടി അബ്ദുല്‍ ജബ്ബാര്‍ തുടങ്ങിയവര്‍ സംബന്ധിച്ചു.