മോസ്‌കോ: റഷ്യയില്‍ നിന്ന് എം.ഐ 17 വിഭാഗത്തില്‍ പെട്ട 48 സൈനിക ഹെലികോപ്റ്ററുകള്‍ വാങ്ങുന്നതിന് ഇന്ത്യ അവസാനവട്ട കൂടിയാലോചനകള്‍ നടത്തുന്നു. ഈ വര്‍ഷം അവസാനത്തോടെ ഇതുസംബന്ധിച്ച കച്ചവട കരാര്‍ യാഥാര്‍ഥ്യമാക്കാനുള്ള തയാറെടുപ്പിലാണ് മോസ്‌കോയും ഡല്‍ഹിയുമെന്ന് ഉന്നത റഷ്യന്‍ ഉദ്യോഗസ്ഥന്‍ വെളിപ്പെടുത്തി.
എം.ഐ 8, എം.ഐ 17 വിഭാഗങ്ങളില്‍ ഉള്‍പ്പെടുന്ന 300 ല്‍പരം ഹെലികോപ്ടറുകള്‍ ഇന്ത്യയ്ക്കുണ്ടെന്ന് പ്രമുഖ റഷ്യന്‍ ആയുധ വിതരണ കമ്പനിയായ റോസോബൊറോണ്‍ എക്‌സ്‌പോര്‍ട്‌സ് സി.ഇ.ഒ അലക്‌സാണ്ടര്‍ മിഖീവ് അറിയിച്ചു.