കൊല്ലം: സമസ്ത കേരള സുന്നി സ്റ്റുഡന്റ്‌സ് ഫെഡറേഷന്‍ കൊല്ലം ജില്ലാ കമ്മിറ്റിയുടെ നേതൃത്വത്തില്‍ നാളെ നടക്കുന്ന 'റബീഅ് - 2018 ഹുബ്ബുറസൂല്‍ പ്രഭാഷണത്തോടനുബന്ധിച്ചു പുറത്തിറക്കിയ സപ്ലിമെന്റ് പ്രകാശം ചെയ്തു. സപ്ലിമെന്റ് കോഡിനേറ്റര്‍ സിദ്ധീഖ് ഷാ കരുനാഗപ്പള്ളി പ്രോഗ്രാം കമ്മിറ്റി ചെയര്‍മാന്‍ അയ്യൂബ്ഖാന്‍ ഫൈസിക്ക് നല്‍കി പ്രകാശനം നിര്‍വ്വഹിച്ചു. എസ്.കെ.ജെ.എം ജില്ലാ ജനറല്‍ സെക്രട്ടറി ഷാജഹാന്‍ അമാനി, എസ്.കെ.എസ്.എസ്.എഫ് ജില്ലാ പ്രസിഡന്റ് സലീം റഷാദി കുളപ്പാടം, ജനറല്‍ സെക്രട്ടറി സിയാദ് വലിയവീട്ടില്‍, സംസ്ഥാന സെക്രട്ടറിയേറ്റംഗം നിസാം കണ്ടത്തില്‍, പ്രോഗ്രാം കമ്മിറ്റി കണ്‍വീനര്‍ നൗഷാദ് സഫാസ്, പബ്ലിസിറ്റി കണ്‍വീനര്‍ ഹുസൈന്‍ ഫൈസി കല്ലേലിഭാഗം, ചെയര്‍മാന്‍ മജീദ്, ഇസ്സുദ്ദീന്‍ ക്ലാപ്പന, നിഷാദ് മയ്യത്തുംകര, ഷമീര്‍ ഫൈസി, ഷാജഹാന്‍ ഫൈസി, കബീര്‍ പങ്കെടുത്തു.
പരിപാടിയുടെ ഭാഗമായി വാഹന പ്രചരണ ജാഥ സംഘടിപ്പിച്ചു. കരുനാഗപ്പള്ളി ശൈഖ് മസ്ജിദിന് മുന്നില്‍ നിന്നാരംഭിച്ച പ്രചരണ ജാഥ എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി സിയാദ് വലിയവീട്ടില്‍ ഉദ്ഘാടനം ചെയ്തു. ഹുസൈന്‍ ഫൈസി, ഷമീര്‍ ഫൈസി എന്നിവരുടെ നേതൃത്വത്തിലാിരുന്നു ടന്ന പ്രചരണ ജാഥ. ഇന്നലെയും ഇന്നുമായി ജില്ലയിലുടനീളം പ്രചരണം നടത്തും. ഇന്ന് വൈകിട്ടോടെ സമ്മേളന നഗരയില്‍ സമാപിക്കും.
നാളെ വൈകിട്ട് നാലുമുതല്‍ കരുനാഗപ്പള്ളി ശൈഖ് മസ്ജിദിന് സമീപത്തെ ബാബുസ്സലാമില്‍ നടക്കുന്ന റബീഅ് - 2018 ഹുബ്ബുറസൂല്‍ പ്രഭാഷണം സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. സയ്യിദ് അബ്ദുള്ള തങ്ങള്‍ ദാരിമി അല്‍ ഐദറൂസി, സയ്യിദ് മുഹ്‌സിന്‍ കോയ തങ്ങള്‍ അല്‍ ഐദറൂസി എന്നിവര്‍ പ്രാര്‍ഥന നടത്തും. തുടര്‍ന്ന് നടക്കുന്ന ഹുബ്ബുറസൂല്‍ പ്രഭാഷണത്തിന് സമസ്ത കേരള ജംഇയ്യത്തുല്‍ ഉലമ തിരുവനന്തപുരം ജില്ലാ ജനറല്‍ സെക്രട്ടറി എ.എം നൗഷാദ് ബാഖവി ചിറയിന്‍കീഴ് നേതൃത്വം നല്‍കും.
ചടങ്ങില്‍ ജില്ലയിലെ വിഖായ സമര്‍പ്പണം എസ്.കെ.എസ്.എസ്.എഫ് സംസ്ഥാന സെക്രട്ടറിയേറ്റംഗം നിസാം കണ്ടത്തില്‍ നിര്‍വഹിക്കും.