മലപ്പുറം: കാളമ്പാടി മഖാമില്‍ അന്ത്യവിശ്രമം കൊള്ളുന്ന അബ്ദുല്‍ അലി കോമു മുസ്‌ലിയാര്‍, കോട്ടുമല അബൂബക്കര്‍ മുസ്‌ലിയാര്‍, കാളമ്പാടി മുഹമ്മദ് മുസ്‌ലിയാര്‍ എന്നിവരുടെ പേരിലുള്ള ആണ്ടുനേര്‍ച്ച 26, 27 തിയതികളില്‍ കാളമ്പാടി കോട്ടുമല ഇസ്‌ലാമിക് കോംപ്ലക്‌സില്‍ നടക്കും.

മത പ്രഭാഷണം, ദിക്ര്‍ ദുആ സമ്മേളനം, മൗലിദ് പാരായണം, അന്നദാനം എന്നിവയാണ് നടക്കുക. കെ.കെ.എസ് തങ്ങള്‍ വെട്ടിച്ചിറയുടെ അധ്യക്ഷതയില്‍ ചേര്‍ന്ന സ്വാഗതസംഘ രൂപീകരണ യോഗം പാണക്കാട് ഷമീറലി ശിഹാബ് തങ്ങള്‍ ഉദ്ഘാടനം ചെയ്തു. ഹൈദര്‍ ഫൈസി പനങ്ങാങ്ങര, ഹസ്സന്‍ സഖാഫി പൂക്കോട്ടൂര്‍, ആനമങ്ങാട് മുഹമ്മദ്കുട്ടി ഫൈസി, കാടാമ്പുഴ മൂസ ഹാജി, പുത്തനഴി മൊയ്തീന്‍ ഫൈസി, സുലൈമാന്‍ ഫൈസി ചുങ്കത്തറ സംസാരിച്ചു.