കോഴിക്കോട്:കേരള പ്രീമിയര്‍ ലീഗ് പുതിയ സീസണ് ഇന്ന് തുടക്കമാകും. ഇന്ന് ര@ണ്ടു മത്സരങ്ങളാണ് ലീഗില്‍ നടക്കുന്നത്. കോഴിക്കോട് നടക്കുന്ന മത്സരത്തില്‍ കേരള ബ്ലാസ്റ്റേഴ്‌സ് റിസേര്‍വ്‌സ് ഗോകുലം കേരള എഫ് സി റിസേര്‍വ്‌സിനെ നേരിടും.
കഴിഞ്ഞ തവണ കോഴിക്കോട്ട് ഇരു ടീമുകളുടെയും റിസര്‍വ് ടീമുകള്‍ മത്സരിച്ചപ്പോള്‍ ഗോകുലത്തിനൊപ്പമായിരുന്നു വിജയം. മറ്റൊരു മത്സരത്തില്‍ സാറ്റ് തിരൂര്‍ കണ്ണൂര്‍ സിറ്റിയെയും നേരിടും. തിരൂര്‍ സ്റ്റേഡിയത്തിലാണ് ഇന്നത്തെ രണ്ടാം മത്സരം നടക്കുക. ര@ണ്ട് മത്സരങ്ങള്‍ക്കും വൈകിട്ട് 3.30നാണ് കിക്കോഫ്. ര@ണ്ട് ഗ്രൂപ്പുകളിലായി 10 ടീമുകളാണ് ഇത്തവണ കെ.പി.എല്ലില്‍ മത്സരിക്കുന്നത്. ഹോം ആന്‍ഡ് എവേ ഫോര്‍മാറ്റില്‍ തന്നെയാകും ലീഗ് മത്സരങ്ങള്‍ ഇത്തവണയും നടക്കുക. ലൂക സോക്കര്‍, കണ്ണൂര്‍ സിറ്റി എഫ് സി, എം എ കോളജ് കോതമംഗലം എന്നീ ടീമുകള്‍ ആദ്യമായി ഇത്തവണ കെ.പി.എല്ലില്‍ കളിക്കുന്നു@ണ്ട്. കേരള പൊലിസ് മാത്രമാണ് ഡിപാര്‍ട്‌മെന്റ് ടീമായി ഇത്തവണ കെ.പി.എല്ലില്‍ ഉള്ളത്. കഴിഞ്ഞ സീസണിലെ ചാംപ്യന്മാരായ ഇന്ത്യന്‍ നേവിയും ഇത്തവണ കെ.പി.എല്ലിനില്ല.