ഭോപ്പാല്‍: സംസ്ഥാനത്ത് സെയ്‌ലേന പക്ഷി സങ്കേതത്തിനടുത്ത് വൈദ്യുതിക്ക് വേണ്ടി കാറ്റാടി യന്ത്രങ്ങള്‍ സ്ഥാപിക്കാനുള്ള പദ്ധതിക്ക് അനുമതി നിഷേധിച്ചു. സംസ്ഥാന വന്യജീവി വകുപ്പിന്റെ നിര്‍ദേശപ്രകാരമാണ് അനുമതി നിഷേധിച്ചത്. പക്ഷി സങ്കേതത്തിലേക്ക് വരുന്ന ദേശാടന കിളികള്‍ വരെയുള്ളവയുടെ ജീവന്‍ അപകടത്തിലാകുമെന്ന് കണ്ടാണ് പദ്ധതിക്കുള്ള അനുവാദം തള്ളിയത്. പക്ഷികളുടെ ആവാസ വ്യവസ്ഥക്ക് ഭയപ്പാടില്ലാത്ത സാഹചര്യമുണ്ടാകണമെന്നും വന്യജീവി വകുപ്പ് അറിയിച്ചു.