വിശാഖപട്ടണം: വിന്‍ഡീസിനെതിരേയുള്ള ആദ്യ മത്സരത്തിലെ തോല്‍വിക്ക് രണ്ടാം മത്സരത്തിലെ തകര്‍പ്പന്‍ ജയത്തോടെ കണക്ക് തീര്‍ത്ത് ഇന്ത്യ. 107 റണ്‍സിന്റെ കൂറ്റന്‍ ജയമാണ് ടീം സ്വന്തമാക്കിയത്. ആദ്യം ബാറ്റ് ചെയ്ത ഇന്ത്യ അഞ്ച് വിക്കറ്റ് നഷ്ടത്തില്‍ 387 റണ്‍സെടുത്തു. മറുപടി ബാറ്റിങ്ങിനിറങ്ങിയ വിന്‍ഡീസിന് 280 റണ്‍സെടുക്കാനേ കഴിഞ്ഞുള്ളൂ.
ഷായ് ഹോപ്പിന്റെയും (78) നിക്കോളാസ് പൂരന്റെയും (75) ഇന്നിങ്‌സുകള്‍ ഒരു ഘട്ടത്തില്‍ വിന്‍ഡീസിന് പ്രതീക്ഷകള്‍ നല്‍കിയെങ്കിലും പൂരനെ പുറത്താക്കി ഇന്ത്യ കളിയില്‍ ആധിപത്യം നേടി. 85 പന്തില്‍ ഏഴു ബൗണ്ട@റികളും മൂന്നു സിക്‌സറുമുള്‍പ്പെട്ടതായിരുന്നു ഹോപ്പിന്റെ ഇന്നിങ്‌സെങ്കില്‍ 47 പന്തില്‍ ആറു വീതം ബൗ@ണ്ടറികളും സിക്‌സറുകളും ഉള്‍പ്പെട്ടതാണ് പൂരന്റെ ഇന്നിങ്‌സ്. കീമോ പോള്‍ (46), എവിന്‍ ലൂയീസ് (30) എന്നിവരാണ് വിന്‍ഡീസിന്റെ മറ്റു പ്രധാന സ്‌കോറര്‍മാര്‍.
ഇന്ത്യക്കു വേ@ണ്ടി സ്പിന്നര്‍ കുല്‍ദീപ് യാദവ് ഹാട്രിക് നേടി. ഇതോടെ ഏകദിനത്തില്‍ ര@ണ്ടു ഹാട്രിക്കുകള്‍ തികച്ച ആദ്യ ഇന്ത്യന്‍ താരമായി കുല്‍ദീപ്. 33-ാം ഓവറിലെ അവസാന മൂന്നു പന്തുകല്‍ ഹോപ്പ്, ജേസണ്‍ ഹോള്‍ഡര്‍ (11), അല്‍സാറി ജോസഫ് (0) എന്നിവരെ പുറത്താക്കിയാണ് കുല്‍ദീപ് ഹാട്രിക്ക് പൂര്‍ത്തിയാക്കിയത്. കുല്‍ദീപിനെ കൂടാതെ പേസര്‍ മുഹമ്മദ് ഷമിയും ഇന്ത്യക്കായി മൂന്നു വിക്കറ്റ് വീഴ്ത്തി. രവീന്ദ്ര ജഡേജയ്ക്ക് ര@ണ്ടു വിക്കറ്റ് ലഭിച്ചു.
ടോസ് നഷ്ടപ്പെട്ട് ബാറ്റിങിനയക്കപ്പെട്ട ഇന്ത്യ അഞ്ചു വിക്കറ്റിന് 387 റണ്‍സ് അടിച്ചെടുത്തു. ഓപ്പണര്‍മാരായ രോഹിത് ശര്‍മയുടെയും (159) ലോകേഷ് രാഹുലിന്റെയും (102) സെഞ്ചുറികളാണ് ഇന്ത്യന്‍ ഇന്നിങ്‌സിനു അടിത്തറയിട്ടത്. 138 പന്തില്‍ 17 ബൗ@ണ്ടറികളും അഞ്ചു സിക്‌സറുമുള്‍പ്പെട്ടതായിരുന്നു ഹിറ്റ്മാന്റെ ഇന്നിങ്‌സ്. കരിയറിലെ 28ാം ഏകദിന സെഞ്ചുറി കൂടിയാണ് അദ്ദേഹം നേടിയത്. ശ്രേയസ് അയ്യര്‍ (53), ഋഷഭ് പന്ത് (39) , കേദാര്‍ ജാദവ് (16) എന്നിവരും മികച്ച സംഭാവന നല്‍കി. ക്യാപ്റ്റന്‍ വിരാട് കോലി (0) മാത്രമാണ് ഇന്ത്യന്‍ നിരയില്‍ ക്ലിക്കാവാതെ പോയത്. ആദ്യ ഏകദിനത്തിലെ ടീമില്‍നി്‌നനും രണ്ട@ു മാറ്റങ്ങളുമായാണ് വിന്‍ഡീസ് ഇറങ്ങിയത്. എവിന്‍ ലൂയിസും ഖാറി പിയറെയുമാണ് ടീമിലെത്തിയത്. മറുഭാഗത്ത് ഇന്ത്യന്‍ ടീമിലും ഒരു മാറ്റമുണ്ടണ്ടായിരുന്നു. ശിവം ദുബെയ്ക്കു പകരം പേസര്‍ ശര്‍ദ്ദുല്‍ താക്കൂറിനെ ഇന്ത്യ ടീമിലെത്തിച്ചു.