കോഴിക്കോട്: 2019ലെ മാതൃഭൂമി സാഹിത്യ പുരസ്‌കാരം യു.എ ഖാദറിന്. മൂന്ന് ലക്ഷം രൂപയും പ്രശസ്തിപത്രവും ശില്‍പവുമടങ്ങുന്നതാണ് പുരസ്‌കാരം. കവി കെ.ജി ശങ്കരപ്പിള്ള ചെയര്‍മാനും സാറാ ജോസഫ്, ആഷാ മേനോന്‍ എന്നിവര്‍ അംഗങ്ങളുമായ സമിതിയാണ് പുരസ്‌കാര ജേതാവിനെ തിരഞ്ഞെടുത്തത്.
30ന് കോഴിക്കോട് കെ.പി കേശവമേനോന്‍ ഹാളില്‍ നടക്കുന്ന ചടങ്ങില്‍ ടി. പത്മനാഭന്‍ പുരസ്‌കാരം സമ്മാനിക്കുമെന്ന് മാതൃഭൂമി മാനേജിങ് ഡയരക്ടര്‍ എം.പി വീരേന്ദ്രകുമാറും മാനേജിങ് എഡിറ്റര്‍ പി.വി ചന്ദ്രനും അറിയിച്ചു.