ആനക്കര: റോഡും തകര്‍ന്നു പാലവും തകര്‍ന്നു കുമ്പിടിക്കാരുടെ കഷ്ട്ടത തീരുന്നില്ല. കുമ്പിടി മുതല്‍ കരുവമ്പാടം വരെ നീളുന്ന റോഡാണ് തകര്‍ന്ന് കിടക്കുന്നത്. മാസങ്ങള്‍ക്ക് മുമ്പ് ഇതിന്റെ അറ്റകുറ്റപണികള്‍ നടത്തിയതാണ്. റോഡിന് പുറമെ റോഡിലെ ആലിന്‍ചോടിന് സമീപം പരപ്പന്‍തോടിന് കുറുകെയുള്ള വലിയപാലത്തിന്റെ അടിഭാഗമാണ് തര്‍ന്നത്. കമ്പികള്‍ തുരുമ്പെടുത്ത് നശിച്ച നിലയിലും പാലത്തിന്റെ അടിഭാഗത്ത് വിള്ളലുമുണ്ട്.
മാസങ്ങള്‍ക്ക് മുന്‍മ്പ് അറ്റകുറ്റപണികള്‍ നടത്തിയ റോഡിന്റെ പലയിടത്തും ഇപ്പോള്‍ തകര്‍ന്നനിലയിലാണ്. ടാറിങ്ങിലെ അപാകതയാണ് റോഡ് തകരാന്‍ കാരണമായതെന്ന് നാട്ടുകാര്‍ കുറ്റപ്പെടുത്തുന്നു. മലപ്പുറം പാലക്കാട് ജില്ലകളെ ബന്ധിപ്പിക്കുന്ന പ്രധാന റോഡാണിത്. റോഡിന്റെ നിര്‍മാണ പ്രവര്‍ത്തനത്തോടൊപ്പം പാലം പുതുക്കിപണിയണമെന്നും നാട്ടുകാര്‍ ആവശ്യപ്പെട്ടു.