വള്ളിക്കുന്ന്: വള്ളിക്കുന്ന്- കടലുണ്ടി കമ്മുണിറ്റി റിസര്‍വിന്റെ കീഴിലുള്ള കടലുണ്ടി പക്ഷി സങ്കേതത്തിലെ പ്ലാസ്റ്റിക് മാലിന്യങ്ങള്‍ കോഴിക്കോട് ഫാറൂഖ് ട്രൈനിംഗ് കോളജിലെ ബി.എഡ് വിദ്യാര്‍ത്ഥികളുടെ ആഭിമുഖ്യത്തില്‍ ശുചീകരിച്ചു. 'ഹീ മാറ്റ്' എന്ന പേരില്‍ രണ്ടു ദിവസമായി നടന്നു വരുന്ന ചതുര്‍ദിന സഹവാസ ക്യാംപിന്റെ ഭാഗമായുള്ള കമ്മ്യൂണിറ്റി സര്‍വീസ് ആയിട്ടാണ് ശുചീകരണ പ്രവര്‍ത്തനങ്ങള്‍ നടന്നത്. ക്യാംപിന്റെ ഉദ്ഘാടനം സരിഗമ ഫെയിം ആര്യനന്ദ നിര്‍വഹിച്ചു. പ്രിന്‍സിപ്പള്‍ ഡോ.സി.എ ജവഹര്‍ അധ്യക്ഷനായിരുന്നു.
ശുചീകരണ പ്രവര്‍ത്തനങ്ങള്‍ക്ക് കടലുണ്ടി-വള്ളിക്കുന്ന് കമ്മുണിറ്റി റിസര്‍വ് മാനേജ്‌മെന്റ് കമ്മിറ്റി ചെയര്‍മാന്‍ പി.ശിവദാസന്‍, സെക്രട്ടറി പി.രാജീവ്, അധ്യാപകരായ ഡോ.അഫീഫ് തറവട്ടത്ത്, ഡോ. അനീസ് മുഹമ്മദ്, ഡോ.ഉമര്‍ ഫാറൂഖ്, ഡോ.മുഹമ്മദ് കെ.വി, ഡോ. അസീല്‍ അബ്ദുല്‍ വാഹിദ് , രജിത കെ.വി ,നൗഫല്‍ സി, മുഹമ്മദ് ഷരീഫ് കെ, ഫസീല്‍ അഹമ്മദ് നേതൃത്വം നല്‍കി.