തലശ്ശേരി: വീട്ടിനുള്ളില്‍ കയറി സ്ത്രീയെയും യുവാവിനെയും പേപ്പട്ടി കടിച്ചു. കിഴക്കുംഭാഗം കയനാടത്ത് വീട്ടില്‍ നെല്ലേരി യശോദ (63), എം സനീഷ് (32) എന്നിവര്‍ക്കാണ് കടിയേറ്റത്. യശോദയുടെ ഇരുകൈകള്‍ക്കും ഗുരുതരമായി പരുക്കേറ്റു. സനീഷിന്റെ കൈക്കാണ് കടിയേറ്റത്. തിങ്കളാഴ്ച വൈകുന്നേരം നാലോടെയായിരുന്നു സംഭവം. വീട്ടിനുള്ളില്‍ കിടക്കുകയായിരുന്ന സനീഷിനെയാണ് ആദ്യം കടിച്ചത്. വീട്ടിലുണ്ടായിരുന്നവര്‍ ബഹളമുണ്ടാക്കി കസേര കൊണ്ട് അടിച്ചാണ് നായയെ ഓടിച്ചത്. നാട്ടുകാര്‍ പിന്നീട് പേപ്പട്ടിയെ പിന്തുടര്‍ന്ന് തല്ലിക്കൊല്ലാന്‍ ശ്രമിച്ചെങ്കിലും നടന്നില്ല.