മലപ്പുറം: കേന്ദ്ര-സംസ്ഥാന സര്‍ക്കാരുകളുടെ ജനവിരുദ്ധ നയങ്ങളില്‍ പ്രതിഷേധിച്ചു നിയോജക മണ്ഡലംതലങ്ങളില്‍ മുസ്‌ലിംലീഗ് സമരസംഗമങ്ങള്‍ നടത്തും.
പാചകവാതകത്തിന്റെ സബ്‌സിഡി നിര്‍ത്തലാക്കാനുള്ള ശ്രമം ഉപേക്ഷിക്കുക, ബി.ജെ.പിയുടെ മെഡിക്കല്‍ കോളജ് കോഴ ഫലപ്രദമായി അന്വേഷിക്കുക, റേഷന്‍ കാര്‍ഡ് മുന്‍ഗണനയില്‍ അര്‍ഹര്‍ക്കു പ്രാതിനിധ്യം ഉറപ്പാക്കുക, പനി നിയന്ത്രിക്കാന്‍ പ്രതിരോധപ്രവര്‍ത്തനം ശക്തമാക്കുക, മദ്യം വ്യാപകമാക്കാനുള്ള ശ്രമം ഉപേക്ഷിക്കുക, ലൈഫ് എന്ന ഓമനപ്പേരിലുള്ള ഭവനനിര്‍മാണ പദ്ധതി അട്ടിമറിയും ഒളിച്ചുകളിയും അവസാനിപ്പിക്കുക, അക്രമരാഷ്ട്രീയത്തിന്റെ കൊലക്കത്തിക്കെതിരേ നടപടിയെടുക്കുക തുടങ്ങിയ ആവശ്യങ്ങളുന്നയിച്ചാണ് പ്രക്ഷോഭം.
11, 12, 15 തിയതികളിലായാണ് സമരസംഗമങ്ങള്‍ നടക്കുന്നത്.