ന്യൂഡല്‍ഹി: വെറ്ററന്‍ വെനസ്വലന്‍ താരം ഗബ്രിയേല്‍ സിചെരോ ഡല്‍ഹി ഡൈനാമോസില്‍. നാലാം സീസണിലേക്ക് ഡല്‍ഹി ടീമിലെത്തിക്കുന്ന നാലാമത്തെ വിദേശ താരമാണ് 33കാരനായ പ്രതിരോധ താരം സിചെരോ. നിലവില്‍ 2018 ലോകകപ്പ് യോഗ്യതാ പോരാട്ടത്തിനായി പൊരുതുന്ന വെനസ്വല ടീമില്‍ താരം അംഗമാണ്. 2011ല്‍ കൊല്‍ക്കത്തയിലെ സാല്‍ട്ട് ലെയ്ക് സ്റ്റേഡിയത്തില്‍ നടന്ന അര്‍ജന്റീനയ്‌ക്കെതിരായ പ്രദര്‍ശന മത്സരത്തില്‍ വെനസ്വലന്‍ ടീമില്‍ കളിച്ച താരം കൂടിയാണ് സിചെരോ.