ന്യൂഡല്‍ഹി: ആസ്‌ത്രേലിയന്‍ പര്യടനത്തിന് പിന്നാലെ ഇന്ത്യ ന്യൂസിലന്‍ഡിലേക്ക്. അഞ്ച് ഏകദിനവും മൂന്നു ടി20 യും അടങ്ങിയതാണ് പരമ്പര. ജനുവരി 23ന് ഏകദിന മത്സരത്തോടെയാണ് ഇന്ത്യയുടെ ന്യൂസിലന്‍ഡ് പര്യടനത്തിന് തുടക്കമാവുക. ഇന്ത്യന്‍ സമയം രാവിലെ 7.30ന് നേപ്പിയറിലാണ് ഏകദിന പോരാട്ടങ്ങള്‍ തുടങ്ങുക. 26, 28 തിയതികളില്‍ മൗണ്ട് മൗഗനുവിലാണ് തുടര്‍ മത്സരങ്ങള്‍. നാലാം ഏകദിനം 31 ന് ഹാമില്‍റ്റണില്‍ നടക്കും. അവസാന ഏകദിനം ഫെബ്രുവരി മൂന്നിന് വെല്ലിങ്ടണിലാണ്. ഫെബ്രുവരി ആറിന് ടി20 പരമ്പര ആരംഭിക്കും. ആദ്യ ടി20 വെല്ലിങ്ടണില്‍ നടക്കും. ഇന്ത്യന്‍ സമയം ഉച്ചയ്ക്കു 12.30ന് ആണ് മത്സരം തുടങ്ങുക. ഫെബ്രുവരി എട്ടിന് ഓക്ക്‌ലന്‍ഡിലും 10ന് ഹാമില്‍റ്റണിലും രണ്ടും മൂന്നും മത്സരങ്ങള്‍ അരങ്ങേറും.