കോഴിക്കോട്: സംസ്ഥാനത്ത് എട്ടു മുതല്‍ 12 വരെയുള്ള 45,000 ക്ലാസ് മുറികള്‍ ഇതിനോടകം ഹൈടെക് ആക്കി മാറ്റിയെന്ന് വിദ്യാഭ്യാസ മന്ത്രി സി. രവീന്ദ്രനാഥ്. ജൂണ്‍ ഒന്നിന് എല്‍.പി, യു.പി ക്ലാസുകള്‍ കൂടി ഹൈടെക് ആക്കി മാറ്റുകയാണ് സര്‍ക്കാര്‍ ലക്ഷ്യം.  തലക്കുളത്തൂരില്‍ ഗുരുദേവവിലാസം എ. എല്‍. പി സ്‌കൂള്‍ കെട്ടിട ഉദ്ഘാടനം നിര്‍വഹിച്ചു സംസാരിക്കുകയായിരുന്നു മന്ത്രി. ഗതാഗത മന്ത്രി എ.കെ ശശീന്ദ്രന്‍ അധ്യക്ഷനായി. സംസ്ഥാനത്ത് പെതുവിദ്യാഭ്യാസം കൂടൂതല്‍ ശക്തമാക്കാന്‍ സര്‍ക്കാറിന് കഴിഞ്ഞെന്ന് അദ്ദേഹം പറഞ്ഞു. സ്‌കൂള്‍ ഹെഡ്മിസ്ട്രസ് ആര്‍.പി ബേബി റിപ്പോര്‍ട്ട് അവതരിപ്പിച്ചു.