അരിമ്പൂര്‍: ഭര്‍തൃമതിയുടെ ആത്മഹത്യയുമായി ബന്ധപെട്ട് വര്‍ഷങ്ങള്‍ക്ക് മുന്‍പ് പൊലിസ് എഴുതി തള്ളിയ കേസില്‍ നടന്ന പുനരന്വേഷണത്തില്‍ രണ്ടണ്ട് പ്രതികള്‍ പിടിയിലായി. 2007ല്‍ മനക്കൊടി സ്വദേശിനിയുടെ ആത്മഹത്യയുമായി ബന്ധപെട്ട് മനക്കൊടി സ്വദേശികളും ബി.ജെ.പി പ്രവര്‍ത്തകരുമായ മേനോത്ത് പറമ്പില്‍ സുബിന്‍ (43), മേനോത്ത് പറമ്പില്‍ പ്രതാപന്‍ (48) എന്നിവരാണ് അറസ്റ്റിലായത്.
മരണപ്പെട്ട യുവതിയുടെ മകന്‍ നല്‍കിയ പരാതിയെ തുടര്‍ന്ന് മുഖ്യമന്ത്രി പിണറായി വിജയന്‍ പുനരന്വേഷണത്തിന് ഉത്തരവിട്ടിരുന്നു.
ഇതിനെ തുടര്‍ന്ന് ചേര്‍പ്പ് സി.ഐ പി.കെ മനോജ് കുമാര്‍, അന്തിക്കാട് എസ്.ഐ എസ്.ആര്‍ സനീഷ് നടത്തിയ പുനരന്വേഷണത്തിലാണ് പ്രതികള്‍ പിടിയിലായത്.
ആത്മഹത്യ ചെയ്ത യുവതിയുടെ ശരീരത്തിലെ വസ്ത്രത്തിനകത്ത് നിന്ന് രണ്ട് ആത്മഹത്യ കുറിപ്പുകള്‍ അന്ന് പൊലിസ് കണ്ടെണ്ടടുത്തിരുന്നു. ഇരുവരും ചേര്‍ന്ന് ഒന്‍പത് ലക്ഷം രൂപയും 30 പവന്‍ സ്വര്‍ണാഭരണവും കൂട്ട് ബിസിനസിന്റെ പേരില്‍ തട്ടിയെടുക്കുകയും ചൂഷണത്തിന് വിധേയയാക്കുകയും ചെയ്തതായി ആത്മഹത്യക്കുറിപ്പിലുണ്ടണ്ടായിരുന്നു.
എന്നാല്‍ ഈ കത്ത് മരണപെട്ട യുവതിയുടേതല്ലെന്ന സാങ്കേതികവാദം പ്രതിഭാഗത്ത് നിന്നുയര്‍ന്നതോടെ യുവതിയുടെ കൈയക്ഷരം തിരുവനന്തപുരം ഫോറന്‍സിക് ലാബില്‍ ശാസ്ത്രീയ പരിശോധനക്ക് വിധേയമാക്കിയാണ് കത്ത് അവര്‍ സ്വന്തമായി എഴുതിയതാണെന്ന് സ്ഥിരീകരിച്ചത്.
ഇത്തരം വിവരങ്ങളെ അടിസ്ഥാനമാക്കി നടന്ന പുനരന്വേഷണത്തിലാണ് പ്രതികള്‍ കുടുങ്ങിയത്.