മീനങ്ങാടി: നേടിയെടുത്ത അറിവുകളാണ് ജീവിതത്തിലെ ഏറ്റവും വലിയ സമ്പാദ്യമെന്ന് മുന്‍മുഖ്യമന്ത്രി ഉമ്മന്‍ചാണ്ടി. സുല്‍ത്താന്‍ ബത്തേരി നിയോജകമണ്ഡലം യൂത്ത് കോണ്‍ഗ്രസ് കമ്മിറ്റി സംഘടിപ്പിച്ച അഖിലവയനാട് ക്വിസ് മത്സരം ഉദഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇന്ദിരാഗാന്ധിയുടെ ജന്മശതാബ്ദിയോടനുബന്ധിച്ചായിരുന്നു മത്സരം സംഘടിപ്പിച്ചത്. ജില്ലയിലെ വിവിധ ഭാഗങ്ങളില്‍നിന്നായി എണ്‍പത്തിയഞ്ചു മത്സരാര്‍ഥികള്‍ പങ്കെടുത്തു. വി അരുണ്‍, എം.എസ് അരുണ്‍, ശിഹാബ് എന്നിവര്‍ ഒന്ന് രണ്ടു മൂന്ന് സ്ഥാനങ്ങള്‍ കരസ്ഥമാക്കി. വിജയികള്‍ക്ക് യഥാക്രമം 3001 ,2001 , 1001 രൂപയുടെ ക്യാഷ് അവാര്‍ഡും ഇന്ദിര പുരസ്‌കാരും സമ്മാനിച്ചു.
നിയോജക മണ്ഡലം പ്രസിഡന്റ് സംഷാദ് മരക്കാര്‍ അധ്യക്ഷനായി. ഐ.സി ബാലകൃഷ്ണന്‍ എം.എല്‍.എ, കെ.കെ എബ്രഹാം, എന്‍.ഡി അപ്പച്ചന്‍, കെ.ഇ വിനയന്‍, എം.കെ ഇന്ദ്രജിത്, അമല്‍ജോയ്, റിനു ജോണ്‍ , സന്തോഷ് കുമാര്‍, ആഗിന്‍ ടോം, നിഖില്‍ തോമസ്, അര്‍ജുന്‍ പോള്‍, പ്രശാന്ത്, സനോജ്, നൗഫല്‍ , ഷൈജല്‍, ഷിജു, സിജോ, ശ്രീനിവാസന്‍, ജിനു, മനു ജോയ്, അനീഷ്, സിറില്‍ ജോസ്, പ്രജിത്, സിജു സംസാരിച്ചു.