മലപ്പുറം: ജനവാസ മേഖലയിലൂടെ ഗെയില്‍ വാതക പൈപ്പ്‌ലൈന്‍ കൊണ്ടുപോകുന്നതിനെതിരേ ഗെയില്‍ വിരുദ്ധ ജനകീയ സമരസമിതിയുടെ നേതൃത്വത്തില്‍ ജില്ലയില്‍ സമരം ശക്തമാകുന്നു. ജനവാസമില്ലാത്ത മറ്റു മേഖലയിലൂടെ പൈപ്പ്‌ലൈന്‍ കൊണ്ടുപോകണമെന്നാണ് സമരസമിതിയുടെ ആവശ്യം.
ഇതിന്റെ ഭാഗമായി 18നു ഉച്ചയ്ക്കു ശേഷം മൂന്നിനു മലപ്പുറം കലക്ടറേറ്റ് പരിസരത്തു സമരസംഗമം നടക്കും.
24 മണിക്കൂര്‍ നീണ്ടുനില്‍ക്കുന്ന സമരസംഗമത്തിന് ഐക്യദാര്‍ഡ്യം പ്രകടിപ്പിച്ച് 19നു ഉച്ചയ്ക്കു ശേഷം മൂന്നിനു പൈപ്പ്‌ലൈന്‍ കടന്നുപോകുന്ന പഞ്ചായത്ത്, മുനിസിപ്പാലിറ്റികളിലെ ജനങ്ങളെ അണിനിരത്തി പ്രതിരോധ വലയം തീര്‍ക്കും. ഇതോടനുബന്ധിച്ചു നടക്കുന്ന സമരപരിപാടികളുടെ ഭാഗമായി കാവനൂര്‍ വില്ലേജ് ഓഫിസിനു മുന്നില്‍ നടന്ന ഉപരോധസമരം ഗ്രാമപഞ്ചായത്ത് പ്രസിഡന്റ് വിദ്യാവതി ഉദ്ഘാടനം ചെയ്തു. പി.എ സലാം മുഖ്യപ്രഭാഷണം നടത്തി. അഡ്വ. നാരായണന്‍ നമ്പീശന്‍ അധ്യക്ഷനായി. ഇ.പി മുജീബ്, കെ.അഹമ്മദ്ഹാജി, പി.ടി ശിവദാസന്‍, കെ.എ റഹ്മാന്‍ ഫൈസി, വടശ്ശേരി ഹസന്‍ മുസ്‌ലിയാര്‍, പി.വി ഉസ്മാന്‍, രാമചന്ദ്രന്‍, പി. അലവിക്കുട്ടി, പി.പി ഷൗക്കത്തലി, കെ.വി അബൂബക്കര്‍, ഉണ്ണീന്‍കുട്ടി, നീലകണ്ഠന്‍, സുബൈദ സംസാരിച്ചു.
മലപ്പുറത്ത് ആലത്തൂര്‍പടി, കിഴക്കേത്തല, കോട്ടപ്പടി എന്നിവിടങ്ങളിലും സമരസംഗമങ്ങള്‍ നടന്നു.
പി.എ സലാം ഉദ്ഘാടനം ചെയ്തു. പി.കെ ബാവ, ഉപ്പൂടന്‍ ഷൗക്കത്ത്, ശിഹാബ് വരിക്കോടന്‍, പി.കെ ഹക്കീം, ടി. സമദ്, ബഷീര്‍ മച്ചിങ്ങല്‍, സലീം എന്ന ബാപ്പുട്ടി, മൊയ്തീന്‍, പി.പി കുഞ്ഞാന്‍, അബൂബക്കര്‍.പി, സി.പി റാഫി സംസാരിച്ചു.
പൂക്കോട്ടൂരില്‍ പി.എ സലാം, കൊടക്കാടന്‍ ഇഖ്ബാല്‍, ഗ്രാമപഞ്ചായത്ത് പ്രസിഡന്റ് വി.പി സുമയ്യ, എ.എം കുഞ്ഞാന്‍, കെ. മന്‍സൂര്‍, എം.ടി അലി, ടി. സല്‍മാന്‍, കെ. മന്‍സൂര്‍ എന്ന കുഞ്ഞിപ്പു, എം. സത്യന്‍, കെ.യു യൂസഫ് ഹാജി, ബൈജു, സി.ടി നൗഷാദ്, പി.പി മൊയ്തീന്‍കുട്ടി, കെ. നവാഫ്, പി.സി നാസര്‍, അഡ്വ. കാരാട്ട് അബ്ദുര്‍റഹിമാന്‍ സംസാരിച്ചു. കോഡൂരില്‍ പാന്തൊടി അബ്ദുര്‍റസാഖ് അധ്യക്ഷനായി. എം.കെ മുഹ്‌സിന്‍ ഉദ്ഘാടനം ചെയ്തു. മരക്കാര്‍ മാസ്റ്റര്‍, അസീസ് വലിയാട്, റാഫി, റഷീദ് കലങ്ങാടന്‍ സംസാരിച്ചു. അരീക്കോട്ട് വനിതാ ലീഗിന്റെ നേതൃത്വത്തില്‍ വില്ലേജ് ഓഫിസിനു മുന്നില്‍ ധര്‍ണ നടത്തി.