വൈക്കം: കെ.എസ്.ഇ.ബി പെന്‍ഷനേഴ്‌സ് അസോസിയേഷന്‍ വൈക്കം ഡിവിഷന്‍ കമ്മിറ്റിയുടെ ആഭിമുഖ്യത്തില്‍ വൈദ്യുതി ബോര്‍ഡ് പെന്‍ഷന്‍കാരുടെ കുടുംബസംഗമവും വനിതാസമ്മേളനവും നടത്തി. പ്രസിഡന്റ് സി.കെ കുമാരമോഹന്‍ നായര്‍ അധ്യക്ഷനായി. സംസ്ഥാന സെക്രട്ടറി എന്‍. പ്രേമകുമാരി യോഗം ഉദ്ഘാടനം ചെയ്തു. സൈക്കോളജിസ്റ്റ് കെ.വി അനൂപ് മുഖ്യപ്രഭാഷണം നടത്തി.
അസോസിയേഷന്‍ സംസ്ഥാന വൈസ് പ്രസിഡന്റ് എം.ടി വര്‍ഗീസ്, ചന്ദ്രസേനക്കുറുപ്പ്, ബേബി, സി. കോര, ആര്‍. മുരളീധരന്‍ നായര്‍, എ. സെയ്ഫുദീന്‍, ആര്‍. രാജേന്ദ്രന്‍ സംസാരിച്ചു. കെ.എസ് ചന്ദ്രികാദേവി, എന്‍. പത്മാവതിക്കുഞ്ഞമ്മ, സി.കെ ചന്ദ്രമതിയമ്മ, വി.എന്‍ ഓമന, ശോശാമ്മ ആന്‍ഡ്രൂസ് എന്നിവരടങ്ങുന്ന വനിതാകമ്മിറ്റിയും രൂപീകരിച്ചു.