നിലമ്പൂര്‍: ഓണവിപണി ലക്ഷ്യമിട്ട് തയാറാക്കിയ നൂറ് ലിറ്റര്‍ വാഷും വാറ്റുപകരണങ്ങളും എക്‌സൈസ് അധികൃതര്‍ പിടിച്ചെടുത്തു. ഓണത്തിനോടനുബന്ധിച്ച് നിലമ്പൂര്‍, കാളികാവ് എക്‌സൈസ് റെയ്ഞ്ചുകളിലെ ഉദ്യോഗസ്ഥരും വഴിക്കടവ് പൊലിസ്, നെല്ലിക്കുത്ത് ഫോറസ്റ്റ് സ്‌റ്റേഷനിലെ വനപാലകര്‍, റവന്യു ഉദ്യോഗസ്ഥര്‍ എന്നിവര്‍ സംയുക്തമായി നടത്തിയ റെയ്ഡിലാണ് ഇവ പിടിച്ചെടുത്തത്. വഴിക്കടവ് ശങ്കരന്‍മല, വെള്ളക്കട്ട അട്ടി എന്നിവിടങ്ങളില്‍ പരിശോധന നടത്തി. കാരക്കോടന്‍ പുഴയുടെ പുറമ്പോക്ക് ഭൂമിയില്‍ നിന്നാണ് വാഷും വാറ്റുപകരണങ്ങളും പിടിച്ചെടുത്തത്. റെയ്ഡിന് നിലമ്പൂര്‍ എക്‌സൈസ് ഇന്‍സ്‌പെക്ടര്‍ കെ.ടി സജിമോന്‍, ഡെപ്യൂട്ടി തഹസില്‍ദാര്‍ പി. രാജഗോപാലന്‍, സീനിയര്‍ ഫോറസ്റ്റ് ഓഫിസര്‍ കെ. ഷാജു, എ.എസ്.ഐ കെ. അബൂബക്കര്‍ എന്നിവര്‍ നേതൃത്വം നല്‍കി.