കൊല്ലം: തീരക്കടല്‍ കപ്പലിടിച്ച് ആറു മത്സ്യത്തൊഴിലാളികളുടെ ജീവന്‍ അപഹരിക്കാന്‍ ശ്രമിച്ച കപ്പലിനെതിരെ നിയമനടപടി സ്വീകരിക്കണമെന്ന് മത്സ്യത്തൊഴിലാളി കോണ്‍ഗ്രസ് ബിജുലൂക്കോസ് ആവശ്യപ്പെട്ടു.
അപകടത്തില്‍പ്പെട്ട് പൂര്‍ണമായി നഷ്ടപ്പെട്ട യാനത്തിനും വലയ്ക്കും എന്‍ജിനും പരുക്കേറ്റ മത്സ്യത്തൊഴിലാളികള്‍ക്കും നഷ്ടപരിഹാരം നല്‍കണമെന്നും അദ്ദേഹം പറഞ്ഞു.
കേന്ദ്ര ഗവണ്‍മെന്റ് കൊണ്ടുവന്ന പന്ത്രണ്ടുനോട്ടിക്കല്‍ മൈലിനപ്പുറം മത്സ്യബന്ധനം പാടില്ലെന്നുള്ള നിയമം യാതൊരു കാരണവശാലും നിലനില്‍ക്കുന്നതല്ല.
വേനല്‍ക്കാലങ്ങളില്‍ 40-50 നോട്ടിക്കല്‍ മൈല്‍ മത്സ്യബന്ധനം നടത്തിയാലേ മത്സ്യം കിട്ടുകയുള്ളൂ. വിദേശ ട്രോളുകള്‍ക്ക് കടല്‍ തീറെഴുതികൊടുക്കാന്‍പറ്റില്ല. കടല്‍ കടലിന്റെ മക്കളായ മത്സ്യത്തൊഴിലാളികള്‍ക്കുള്ളതാണ്. നിലവിലുള്ള നിയമത്തില്‍ ഭേദഗതി വരുത്തി കേന്ദ്രസര്‍ക്കാര്‍ ഇതില്‍ നിന്നു പിന്മാറണമെന്നും ബിജുലൂക്കോസ് കൂട്ടിച്ചേര്‍ത്തു.