ചാവക്കാട്: നഗരസഭ എട്ടാം വാര്‍ഡ് കോണ്‍ഗ്രസ് കമ്മിറ്റി മമ്മിയൂരില്‍ സ്‌നേഹ സംഗമം സംഘടിപ്പിച്ചു. മമ്മിയൂര്‍ പാലിയത്ത് അമ്മിണിയമ്മ നഗറില്‍ നടന്ന സംഗമത്തില്‍ കുടുംബ സദസ് കെ.പി.സി.സി ജനറല്‍ സെക്രട്ടറി അഡ്വ വി.ബലറാം ഉദ്ഘാടനം ചെയ്തു. നഗരസഭാ കൗണ്‍സിലര്‍ സൈസണ്‍ മാറോക്കി അധ്യക്ഷയായി. പി.കെ അബൂബക്കര്‍ ഹാജി ഓണപുടവ വിതരണവും അഡ്വ ജോസഫ് ടാജറ്റ് മുതിര്‍ന്ന കോണ്‍ഗ്രസ് പ്രവര്‍ത്തകരെ ആദരിക്കലും ഗുരുവായൂര്‍ അര്‍ബന്‍ ബാങ്ക് ചെയര്‍മാന്‍ വി വേണുഗോപാല്‍ ആയൂര്‍വേദകിറ്റ് വിതരണവും നിര്‍വഹിച്ചു. കെ.വി ഷാനവാസ്, കെ.എസ് ബാബു രാജ്, ടി.കെ വിനോദ് കുമാര്‍,ജെയ്‌സണ്‍ ജോര്‍ജ്, പി രതീഷ്, പി ലോഹിതാക്ഷന്‍ എന്നിവര്‍ സംസാരിച്ചു.
വൈകിട്ട് നടന്ന സമാപന സമ്മേളനം കെ.പി.സി.സി വൈസ് പ്രസിഡന്റ് വി.ഡി സതീശന്‍ എം.എല്‍.എ ഉദ്ഘാടനം ചെയ്തു. സ്വാഗത സംഘം ചെയര്‍മാന്‍ പി.വി ബദറുദ്ധീന്‍ അധ്യക്ഷത വഹിച്ചു. മുന്‍ എം.എല്‍.എ ടി.വി ചന്ദ്രമോഹന്‍ ഓണകിറ്റ് വിതരണവും, ഡി.സി.സി സെക്രട്ടററിമാരായ എം.വി ഹൈദരലി ചികില്‍സാ സഹായ വിതരണവും എ.എം അലാവുദീന്‍ സമ്മാനദാനവും നിര്‍വഹിച്ചു. ആര്‍. രവി കുമാര്‍, കെ.കെ സെയ്തു മുഹമ്മദ്, ഷൈലജ ദേവന്‍, കെ ഷംസുദ്ധീന്‍ ഹാജി, കോനോത്ത് അക്ബര്‍, സ്വാഗതസംഘം ജനറല്‍ കണ്‍വീനര്‍ പനയ്ക്കല്‍ വര്‍ഗീസ് , നഗരസഭ കൗണ്‍സിലര്‍ സൈസണ്‍ മാറോക്കി, വിവിധ കമ്മിറ്റി കണ്‍വീനര്‍മാരായ ബേബി ഫ്രാന്‍സീസ് , ജെയ്‌സണ്‍ ജോര്‍ജ്, കെ.പി ശ്രീകുമാര്‍ എന്നിവര്‍ സംസാരിച്ചു.