തരുവണ: ബലിപെരുന്നാളിനോടനുബന്ധിച്ചുള്ള ബലികര്‍മ്മത്തിനെത്തിച്ച പോത്ത് കൗതുക കാഴ്ചയാകുന്നു. ആറു ക്വിന്റലോളം തൂക്കം വരുന്ന മഹാരാഷ്ട്രയില്‍ നിന്നെത്തിച്ച പോത്താണ് കാഴ്ചക്കാര്‍ക്ക് കൗതുകമാകുന്നത്. കാട്ടിച്ചിറക്കല്‍ മാടമ്പള്ളി മമ്മുട്ടി മുസ്‌ലിയാരാണ് ബലി കര്‍മ്മത്തിനായി പോത്തിനെ വാങ്ങിയത്. ഒന്നേകാല്‍ ലക്ഷം രൂപയാണ് രണ്ടാഴ്ച മുന്‍പ് എത്തിച്ച പോത്തിന്റെ വില. ദിവസവും പത്ത് കിലോ ചോളവും പുല്ലുമാണ് പോത്തിന് നല്‍കുന്നത്. ഇതിന്റെ പരിപാലനത്തിനായി ആളെയും നിയോഗിച്ചിട്ടുണ്ട്. പോത്തിനെ കാണാന്‍ നിരവധി പേരാണ് ഇവരുടെ വീട്ടിലെത്തുന്നത്.