കോതമംഗലം: കോതമംഗലത്തെ വ്യാപാരികളുടെ ഈ വര്‍ഷത്തെ ഓണാഘോഷം സര്‍ക്കാര്‍ ആശുപത്രിയിലെ നിര്‍ധന രോഗികള്‍ക്കൊപ്പം.
കേരളാ വ്യാപാരി വ്യവസായി ഏകോപന സമിതി കോതമംഗലം യൂണിറ്റിന്റെ ആഭിമുഖ്യത്തില്‍ താലൂക്കാശുപത്രി അങ്കണത്തിലാണ്അതിവിപുലമായ രീതിയില്‍ ഓണസദ്യ ഒരുക്കിയത്.
അസുഖ ബാധിതതരായി ആശുപത്രിയില്‍ കഴിയുന്ന പാവപ്പെട്ട രോഗികളും ആശ്രിതരും ചികിത്സ തേടി എത്തിയ രോഗികളും ആശുപത്രി സൂപ്രണ്ട് ഡോ. മിനിമോള്‍, ആശുപത്രി ജീവനക്കാരും വ്യാപാരികളും ഉള്‍പ്പടെ നിരവധിപേര്‍ ഓണസദ്യാ ചടങ്ങില്‍ പങ്കെടുത്തു.
മര്‍ച്ചന്റ്‌സ്അസ്സോസിയേഷന്‍ പ്രസിഡന്റ് ഇ.എം ജോണി, സെക്രട്ടറി മൈദീന്‍ ഇഞ്ചക്കുടി, എസ്.കെ പ്രസാദ്, മാമച്ചന്‍ ജോസഫ്, പി.എം പൗലോസ്, മര്‍ച്ചന്റ് സ് അസോസിയേഷന്‍ ഭാരവാഹികളും കമ്മിറ്റിയംഗങ്ങളും ചടങ്ങിന് നേതൃത്വം കൊടുത്തു.