ബീജിങ്: ഇന്ത്യന്‍ പ്രധാനമന്ത്രി നരേന്ദ്രമോദിയും ചൈനീസ് പ്രസഡന്റ് ഷീ ജിന്‍ പിങ്ങുമായി ഇന്ന് കൂടിക്കാഴ്ച നടത്തും. ചൈനയില്‍ നടക്കുന്ന ബ്രിക്‌സ് ഉച്ചക്കൊടിക്കിടെയാണ് കൂടിക്കാഴ്ച. രാവിലെ പത്തു മണിക്കാണ് കൂടിക്കാഴ്ച.

കൂടിക്കാഴ്ചയില്‍ ദോക്‌ലാം അടക്കമുള്ള വിഷയങ്ങള്‍ ചര്‍ച്ച ചെയ്‌തേക്കും. രണ്ടു മാസം നീണ്ടുനിന്ന സംഘര്‍ഷത്തിന് ശേഷം ബ്രിക്‌സ് ഉച്ചകോടിക്കു മുമ്പ് ഇരു രാജ്യങ്ങളും ദോക്‌ലാമില്‍ നിന്നും സേനകളെ പിന്‍വലിക്കുകായിരുന്നു. അതിനാല്‍ തന്നെ ഇരുനേതാക്കളുടെ കൂടിക്കാഴ്ചയെ ലോകം ആകാംക്ഷയോടെയാണ് ഉറ്റുനോക്കുന്നത്.

ബ്രിക്‌സ് ഉച്ചകോടിയുടെ അവസാന ദിനമാണിന്ന്. വ്യാപാരം, വ്യവസായം, സുരക്ഷ എന്നീ മേഖലകളില്‍ നാലു കരാറുകളിലും അഞ്ചു രാജ്യങ്ങളും ഒപ്പിട്ടു. ചൈന സന്ദര്‍ശനം പൂര്‍ത്തിയാക്കി പ്രധാനമന്ത്രി നരേന്ദ്രമോദി ഇന്ന് മ്യാന്‍മറിലേക്ക് തിരിക്കും.