ഇസ്‌ലാമാബാദ്: ആണവ സാങ്കേതികവിദ്യയുടെ കാര്യത്തില്‍ പാകിസ്താനെക്കാള്‍ ബഹുദൂരം മുന്നിലാണ് ഉ.കൊറിയയെന്ന് പാകിസ്താന്‍ ആണവപദ്ധതിയുടെ പിതാവായി അറിയപ്പെടുന്ന ശാസ്ത്രജ്ഞന്‍ ഡോ. അബ്ദുല്‍ ഖാദിര്‍ ഖാന്‍. ആണവസാങ്കേതിക വിദ്യയുടെ കാര്യത്തില്‍ സ്വയം പര്യാപ്തത നേടിയ രാജ്യമാണ് ഉത്തര കൊറിയയെന്നും അദ്ദേഹം വ്യക്തമാക്കി.
ബി.ബി.സി ഉറുദുവിനു നല്‍കിയ അഭിമുഖത്തിലാണ് അബ്ദുല്‍ ഖാദിര്‍ ഖാന്‍ ഇക്കാര്യങ്ങള്‍ പറഞ്ഞത്. റഷ്യയില്‍ പോയി പഠിച്ച വിദഗ്ധരായ ഒരു സംഘം ശാസ്ത്രജ്ഞരാണ് ഉ.കൊറിയയെ ആണവ സാങ്കേതിക മേഖലയില്‍ മുന്നിലെത്തിച്ചതെന്നും ഖാന്‍ പറഞ്ഞു. ഇറാന്‍ ഉള്‍പ്പെടെയുള്ള രാജ്യങ്ങള്‍ക്ക് ആണവ സാങ്കേതികവിദ്യ ചോര്‍ത്തി നല്‍കിയതിനു നടപടി നേരിട്ട വ്യക്തിയാണ് അബ്ദുല്‍ ഖാദിര്‍ ഖാന്‍. ഉ.കൊറിയയ്ക്കും ആണവ സാങ്കേതികവിദ്യ ചോര്‍ത്തി നല്‍കിയതായി അദ്ദേഹത്തിനെതിരേ ആരോപണമുണ്ടായിരുന്നു. ആണവ സാങ്കേതികവിദ്യ ചോര്‍ത്തിയതിന്റെ പേരില്‍ 2004ല്‍ ഖാന്‍ അറസ്റ്റിലാകുകയും ഔദ്യോഗിക സ്ഥാനവും വസതിയും നഷ്ടപ്പെടുകയുമുണ്ടായി. പിന്നീട് വീട്ടുതടങ്കലിലാക്കിയ അദ്ദേഹത്തെ 2009ല്‍ സുപ്രിംകോടതി വിട്ടയയ്ക്കുകയായിരുന്നു.
ആണവ സാങ്കേതികവിദ്യ രൂപപ്പെടുത്തുന്നതില്‍ ഒരു വിധത്തിലുള്ള സഹായവും പാകിസ്താന്‍ ഉ.കൊറിയയ്ക്കു നനല്‍കിയിട്ടില്ലെന്നും അദ്ദേഹം വ്യക്തമാക്കി. ഒരു മിസൈല്‍ പദ്ധതിയുമായി ബന്ധപ്പെട്ട് രണ്ടു തവണ ഉ.കൊറിയ സന്ദര്‍ശിച്ചിട്ടുള്ള വ്യക്തികൂടിയാണ് അബ്ദുല്‍ ഖാദിര്‍ ഖാന്‍. അവരുടെ ശാസ്ത്രജ്ഞര്‍ ഈ മേഖലയില്‍ അതിവിദഗ്ധരാണ്. അവരില്‍ മിക്കവരും റഷ്യയില്‍ പോയി പഠിച്ചവരാണെന്നും ഖാന്‍ ചൂണ്ടിക്കാട്ടി. ലോകരാജ്യങ്ങള്‍ക്കിടയില്‍ യു.എസ് വിരുദ്ധ ചേരിക്കു നേനതൃത്വം നനല്‍കുന്ന റഷ്യയും ചൈനനയും ഒരു കാരണവശാലും ഉ.കൊറിയയെ കൈവിടില്ലെന്നും അദ്ദേഹം അഭിപ്രായപ്പെട്ടു.ബോംബിനനു സാധിക്കും അബ്ദുല്‍ ഖാദിര്‍ ഖാന്‍ പറഞ്ഞു.