കൊല്ലം: അസ്സയ്യിദ് മുഹമ്മദ് ബാഫഖി കൊച്ചുകോയതങ്ങളുടെ 196 ാമത് ആണ്ടു നേര്‍ച്ചയും സ്വലാത്ത് വാര്‍ഷികവും ഇന്നു മുതല്‍ 17വരെ കൊല്ലൂര്‍വിള കൊച്ചുതങ്ങള്‍ നഗറില്‍ നടക്കും.
ആണ്ടു നേര്‍ച്ചയുടെ ഭാഗമായി ഇന്ന് ഷമീര്‍ ദീരിമിയും നാളെ ഓണംപള്ളി മുഹമ്മദ് ഫൈസിയും 12ന് കാഞ്ഞാര്‍ അഹമ്മദ് കബീര്‍ ബാഖവിയും പ്രഭാഷണം നടത്തും.
13ന് രാവിലെ സയ്യിദ് മുഹ്‌സിന്‍ കോയ തങ്ങള്‍ അല്‍ ഐദറൂസിയുടെ ദുആയോടെ ജമാഅത്ത് പ്രസിഡന്റ് മുന്‍ എം.എല്‍.എ ഡോ. എ. യൂനുസ്‌കുഞ്ഞ് മഖാമില്‍ പതാക ഉയര്‍ത്തും.
18ന് ഇശാഅ് നമസ്‌കാരാനന്തരം ആലംകോട് മുസ്‌ലിം ജമാഅത്ത് ചീഫ് ഇമാം ഇ. ഷിഹാബുദ്ദീന്‍ ഫൈസി ദുആയോടെ ആരംഭിക്കുന്ന സ്വലാത്ത് വാര്‍ഷിക ദുആ സമ്മേളനത്തിന് സയ്യിദ് നജുമുദ്ദീന്‍ പൂക്കോയ തങ്ങള്‍ അല്‍ ഐദറൂസി യമാനി അല്‍ ഖാദിരി മംഗലാപുരം നേതൃത്വം നല്‍കുമെന്ന് ജമാഅത്ത് പ്രസിഡന്റ് മുന്‍ എം.എല്‍.എ ഡോ. എ യൂനുസ്‌കുഞ്ഞ് അറിയിച്ചു.