ന്യൂഡല്‍ഹി:ഗൗരി ലങ്കേഷ് വധത്തെ ആര്‍.എസ്.എസുമായി ബന്ധപ്പെടുത്തി ദേശീയ മാധ്യമത്തില്‍ ലേഖനമെഴുതിയതിന് പ്രശസ്ത ചരിത്രകാരന്‍ രാമചന്ദ്ര ഗുഹക്ക് ബി.ജെ.പിയുടെ വക്കീല്‍ നോട്ടിസ്. ബി.ജെ.പി കര്‍ണാടക ഘടകമാണ് ഗുഹയുടെ ലേഖനത്തിനെതിരേ വക്കീല്‍ നോട്ടിസ് അയച്ചത്. ലേഖനത്തിലെ പരാമര്‍ശം പിന്‍വലിച്ച് മാപ്പ് പറയുണമെന്നും ഇത്തരത്തിലുള്ള പ്രവസ്താവനകള്‍ ഉണ്ടാകരുതെന്നും നോട്ടിസില്‍ ആവശ്യപ്പെടുന്നു. മാപ്പുപറയാന്‍ തയാറായിട്ടില്ലെങ്കില്‍ നിയമനടപടികള്‍ സ്വീകരിക്കും. എന്നാല്‍ ഇത്തരം നോട്ടിസുകൊണ്ട് തന്നെ നിശബ്ദനാക്കാനാകില്ലെന്ന് ഗുഹ ട്വിറ്ററില്‍ കുറിച്ചു.