വാടാനപ്പള്ളി : നിര്‍ത്തിയിട്ട ചരക്കുലോറിക്ക് പുറകില്‍ സ്‌കൂട്ടര്‍ ഇടിച്ച് മധ്യവയ്‌സ്‌ക്കന് പരുക്കേറ്റു. നാട്ടിക ബീച്ചില്‍ താമസിക്കുന്ന കാവുങല്‍ സിദ്ധീഖ് (49)നാണ് പരുക്കേറ്റത്. ഇന്നലെ പുലര്‍ച്ചെ നാലിന് തൃപ്രയാര്‍ ക്ഷേത്രം റോഡില്‍ പോളി ജംഗ്ഷനു പടിഞ്ഞാറു ഭാഗം ട്രാന്‍സ്‌ഫോര്‍മറിന് സമീപം റോഡരികില്‍ നിര്‍ത്തിയിട്ടിരുന്ന ചരക്കുലോറിയില്‍ സിദ്ധീഖ് സഞ്ചരിച്ചിരുന്ന സ്‌കൂട്ടര്‍ ഇടിക്കുകയായിരുന്നു.
തൃപ്രയാര്‍ സെന്ററിലും ദേശീയപാതയോരത്തും തൃപ്രയാര്‍ ക്ഷേത്രം റോഡിലും വാഹനങ്ങളുടെ അനധികൃത പാര്‍ക്കിങ് നിരവധി അപകടങ്ങള്‍ക്ക് വഴിവെക്കുന്നുവെങ്കിലും പൊലിസ് യാതൊരുവിധ നടപടികളും സ്വീകരിക്കുന്നില്ലെന്നും ഇത് അപകടങ്ങള്‍ വര്‍ദ്ധിക്കാന്‍ ഇടയാക്കുന്നതായും പഞ്ചായത്ത് അധികൃതര്‍ പറയുന്നു. അതേസമയം തൃപ്രയാറിലെ ട്രാഫിക് നിയന്ത്രണങ്ങള്‍ക്ക് വ്യാപാരികള്‍ സഹകരിക്കുന്നില്ലെന്നും പരാതിയുണ്ട്.