കണിയാപുരം: എഴുത്തിനെ ഭയപ്പെടുന്ന ഫാഷിസത്തിനെതിരേ മുസ്‌ലിം ലീഗ് പ്രവര്‍ത്തകര്‍ കണിയാപുരം പള്ളിനടയില്‍ ഒരുക്കിയ സര്‍ഗാത്മക പ്രതിഷേധം ശ്രദ്ധേയമായി. വരിക, നമുക്ക് ഫാഷിസത്തിനെതിരെ ഒരു വരി എഴുതാം' എന്ന തലക്കെട്ടോടെ ഇന്നലെ ആരംഭിച്ച എഴുത്തുപുര ഇന്ന് സമാപിക്കും .മുസ്‌ലിം ലീഗ് കണിയാപുരം പള്ളി നട ബ്രാഞ്ച് കമ്മിറ്റിയാണ് പരിപാടി സംഘടിപ്പിച്ചത്.എഴുത്തുപുര കേരള സഹൃദയവേദി പ്രസിഡന്റ് ചാന്നാങ്കര എം.പി കുഞ്ഞ് ഉദ്ഘാടനം ചെയ്തു. ഷഹീര്‍ ജി അഹമ്മദ് അദ്ധ്യക്ഷനായി. അഡ്വ.കണിയാപുരം ഹലീം, കടവിളാകം കബീര്‍, ഷഹീര്‍ ഖരീം, അബ്ദുല്‍ ഖരീം മാസ്റ്റര്‍, അന്‍സാരി പളളി നട, നൗഷാദ് ഷാഹുല്‍, മുനീര്‍ കുരവിള, മണ്‍സൂര്‍ ഗസ്സാലി, നവാസ് മാടന്‍വിള, നസീര്‍ വെമ്പായം, നുജും ചിറക്കല്‍, മുഹമ്മദ് ഖാസിം, അബ്ദുല്‍ ഖാദര്‍, അസനാര്‍ തോപ്പില്‍, ഷിയാസ് പുന്നക്കാട്, ബുഹാരി നാലുമുക്ക്, നിസ്സാം ചിറക്കല്‍ എന്നിവര്‍ സംസാരിച്ചു. എഴുത്തുകാരും സാംസ്‌ക്കാരിക പ്രവര്‍ത്തകരുംമായ നിരവധി പേര്‍ എഴുത്തുപുരയില്‍ എത്തി അഭിപ്രായങ്ങള്‍ രേഖപ്പെടുത്തി.