കാഞ്ഞങ്ങാട്: കേരളാ ലൈവ്‌സ്റ്റോക്ക് ഇന്‍സ്‌പെക്ടേഴ്‌സ്  അസോസിയേഷന്‍ സംസ്ഥാന സമ്മേളനം 20, 21  തിയതികളില്‍ കാഞ്ഞങ്ങാട്ട്  നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 20ന് രാവിലെ കാഞ്ഞങ്ങാട്ടെ സൂര്യാ ഓഡിറ്റോറിയത്തില്‍ റവന്യൂമന്ത്രി ഇ.ചന്ദ്രശേഖരന്‍ സമ്മേളനം ഉദ്ഘാടനം ചെയ്യും. സ്വാഗതസംഘം ഓഫിസ് ഉദ്ഘാടനം ഹൊസ്ദുര്‍ഗ് അല്‍ ഹബാബ് കെട്ടിടത്തില്‍ ഇന്നുരാവിലെ 9.30ന് വനം, മൃഗസംരക്ഷണവകുപ്പ് മന്ത്രി കെ.രാജു നിര്‍വഹിക്കും. വാര്‍ത്താസമ്മേളനത്തില്‍ സ്വാഗതസംഘം ഭാരവാഹികളായ  എം.സുനില്‍കുമാര്‍, ഭാസ്‌കരന്‍ ഊരാളി, എം.മോഹനന്‍, മധുസൂദനന്‍, ടി.വി.അശോകന്‍ സംബന്ധിച്ചു.