ഷികാര്‍: രാജസ്ഥാനിലെ ഷികാറില്‍ വിദ്യാര്‍ഥിനിയെ ലൈംഗികമായി പീഡിപ്പിച്ചതിന് സ്‌കൂള്‍ ഡയറക്ടറെയും അധ്യാപകനെയും പൊലിസ് അറസ്റ്റ് ചെയ്തു. സ്‌കൂള്‍ ഡയറക്ടര്‍ ജഗദീഷ്, അധ്യാപകന്‍ ജഗത് എന്നിവരെയാണ് അറസ്റ്റു ചെയ്തത്.

ഇരുവരും ചേര്‍ന്ന് ദീര്‍ഘകാലം പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിക്കുകയും ഗര്‍ഭിണിയായതിനെത്തുടര്‍ന്ന് ഗര്‍ഭം അലസിപ്പിക്കാന്‍ നിര്‍ബന്ധിക്കുകയും ചെയ്തിരുന്നു.

അമിതമായ രക്തസ്രാവത്തെത്തുടര്‍ന്ന് തിങ്കളാഴ്ച കുട്ടിയെ ആശുപത്രിയില്‍ പ്രവേശിപ്പിച്ചതോടെയാണ് സംഭവം പുറംലോകമറിയുന്നത്. കുട്ടി ഇപ്പോള്‍ അതീവ ഗുരുതരാവസ്ഥയില്‍ ജയ്പൂര്‍ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്. സംഭവത്തില്‍ പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്.