കോടിക്കുളം: പടി. കോടിക്കുളം ഗവണ്‍മെന്റ് ഹയര്‍ സെക്കണ്ടറി സ്‌കൂളിന്റെ ജനാല ചില്ല് സാമൂഹിക വിരുദ്ധര്‍ അടിച്ചു തകര്‍ത്തു. സ്‌കൂളിലെ കണ്‍സിലിങ് റൂമിന്റെ ജനാലയുടെ ചില്ലാണു പട്ടിക കഷ്ണം ഉപയോഗിച്ച് തകര്‍ത്തത്. രണ്ടു ദിവസത്തെ അവധിക്കു ശേഷം ഇന്നലെ രാവിലെ സ്‌കൂള്‍ തുറന്നപ്പോഴാണ് ചില്ലുകള്‍ തകര്‍ന്ന നിലയില്‍ കാണുന്നത്. സ്‌കൂള്‍ അധികൃതര്‍ കളിയാര്‍ പൊലിസില്‍ വിവരമറിയിച്ചതിനെ തുടര്‍ന്ന് സംഭവസ്ഥലത്തെത്തി പരിശോധന നടത്തി. സ്‌കൂള്‍ പരിസരം കേന്ദ്രീകരിച്ചു രാത്രികാലങ്ങളില്‍ നിരീക്ഷണം ശക്തമാക്കുമെന്നും പൊലിസ് അറിയിച്ചു.