കോഴിക്കോട്: കോഴിക്കോട് ആസ്ഥാനമായി പ്രവര്‍ത്തിക്കുന്ന സി.എച്ച് വിചാര്‍വേദിയുടെ പ്രഥമ സി.എച്ച് അവാര്‍ഡ് വി.എം.സുധീരനും, സാഹിത്യരംഗത്തെ സമഗ്ര സംഭാവനക്ക് യു.എ ഖാദറിനും സമ്മാനിക്കും. എം.പി വീരേന്ദ്രകുമാര്‍ എം.പിയാണ് അവാര്‍ഡ് സമ്മാനിക്കുന്നത്.
സി.എച്ചിന്റെ ചരമ വാര്‍ഷിക ദിനമായ 28ന് വ്യാഴാഴ്ച നാലിന് അളകാപുരിയിലാണ് ചടങ്ങ്. എം.പി. അബ്ദുസമദ് സമദാനി ഉദ്ഘാടനം ചെയ്യും. സുപ്രഭാതം മാനേജിങ് എഡിറ്റര്‍ നവാസ് പൂനൂര്‍ അവാര്‍ഡ് ജേതാക്കളെ പരിചയപ്പെടുത്തും. മുന്‍ മന്ത്രി ഡോ.എം.കെ.മുനീര്‍ പൊന്നാട അണിയിക്കും. എം.കെ.രാഘവന്‍ എം.പി സ്‌നേഹപത്ര സമര്‍പ്പണം നടത്തും. മുസ്‌ലിംലീഗ് സംസ്ഥാന സെക്രട്ടറി എം.സി.മായിന്‍ഹാജി സി.എച്ച് അനുസ്മരണ പ്രഭാഷണം നടത്തും. അഡ്വ.പി.എം.സുരേഷ് ബാബു, അഡ്വ.പി.എസ് ശ്രീധരന്‍പിള്ള, അഡ്വ.ടി.സിദ്ദിഖ്, ഉമര്‍ പാണ്ടികശാല, മനയത്ത് ചന്ദ്രന്‍, ടി.വി.ബാലന്‍, കമാല്‍ വരദൂര്‍, ടി.പി.ചെറൂപ്പ, ഇ.വി.ഉസ്മാന്‍കോയ, എം.എ റസാഖ് മാസ്റ്റര്‍, കെ.മൊയ്തീന്‍കോയ തുടങ്ങിവര്‍ സംബന്ധിക്കുമെന്ന് സി.എച്ച് വിചാര്‍വേദി ഭാരവാഹികളായ സഫ അലവി, പി.ഇസ്മാഈല്‍, എം.വി.കുഞ്ഞാമു എന്നിവര്‍ വാര്‍ത്താ കുറിപ്പില്‍ അറിയിച്ചു.