കൃഷ്ണഗിരി: സി.കെ നായിഡു ട്രോഫിക്കായുള്ള അണ്ടര്‍-23 ക്രിക്കറ്റ് ടൂര്‍ണമെന്റില്‍ കേരളത്തിനെതിരേ സമനിലക്കായി ഗുജറാത്ത് പൊരുതുന്നു. കേരളത്തിന്റെ ഒന്നാമിന്നിങ്‌സ് സ്‌കോറായ 497നെതിരേ ബാറ്റ് വീശിയ ഗുജറാത്ത് 159 റണ്‍സെടുക്കുന്നതിനിടെ തകര്‍ന്നടിഞ്ഞിരുന്നു. തുടര്‍ന്ന് രണ്ടാമിന്നിങ്‌സ് ആരംഭിച്ച ഗുജറാത്ത് മൂന്നാംദിനം കളിയവസാനിക്കുമ്പോള്‍ മൂന്നിന് 185 എന്ന നിലയിലാണ്.
കേരളത്തിന്റെ ഒന്നാമിന്നിങ്‌സ് സ്‌കോര്‍ മറികടക്കാന്‍ ഇനിയും 153 റണ്‍കൂടി ഗുജറാത്ത് കണ്ടെത്തണം. രണ്ടാമിന്നിങ്‌സില്‍ പുറത്താകാതെ 79 റണ്‍ നേടിയ കാതന്‍ പട്ടേലും 68 റണ്ണെടുത്ത് പുറത്തായ രാഹുല്‍ ഷായുമാണ് മൂന്നാംദിനത്തില്‍ ഗുജറാത്തിനായി പൊരുതിയത്. ഇന്ന് സമനിലക്കായി ഗുജറാത്തും വിജയം പിടിക്കാന്‍ കേരളവും കടുത്ത പോരാട്ടമാവും നടത്തുക.