ഓമശ്ശേരി: വാദിഹുദാ സംഘടിപ്പിച്ച  ഹാജിമാര്‍ക്കുള്ള യാത്രയയപ്പും പ്രാര്‍ഥനാ മജ്‌ലിസും എസ്.വൈ.എസ് സംസ്ഥാന സെക്രട്ടറി നാസര്‍ ഫൈസി കൂടത്തായി ഉദ്ഘാടനം ചെയ്തു.
 ഹജ്ജ് മാനവികതയുടെ ഉദാത്ത സന്ദേശമാണെന്ന് അദ്ദേഹം പറഞ്ഞു. വാദി ഹുദാ പ്രസിഡന്റ് ഇ.കെ ഹുസൈന്‍ ഹാജി അധ്യക്ഷത വഹിച്ചു. പി. മൊയതീന്‍ മുസ്‌ലിയാര്‍ മുണ്ടുപാറ മുഖ്യപ്രഭാഷണം നടത്തി. പി.വി. അബ്ദുറഹിമാന്‍ മാസ്റ്റര്‍, എം.ടി. മുഹമ്മദ് മാസ്റ്റര്‍ , പി.കെ. മുഹമ്മദ്, യു.കെ അബു, എം.എം. മൂസ സംസാരിച്ചു. പി.സി യൂസുഫ് ഫൈസി സ്വാഗതവും പി. കോയാലി മാസ്റ്റര്‍ നന്ദിയും പറഞ്ഞു.