തിരുവനന്തപുരം: സംസ്ഥാന ടൂറിസം വകുപ്പ് സംഘടിപ്പിക്കുന്ന ടൂറിസം സര്‍വേ ആരംഭിച്ചു. വിനോദസഞ്ചാരികളുടെ അഭിരുചികള്‍, വയസ്, വ്യക്തിവിവരങ്ങള്‍, കേരളം സന്ദര്‍ശിക്കാനുണ്ടായ കാരണം തുടങ്ങിയ വിവരങ്ങളാണ് രേഖപ്പെടുത്തുന്നത്. പ്രത്യേക ആപ്പ് ഉപയോഗിച്ചാണ് വിവരശേഖരണം നടത്തുന്നത്.
സാമ്പത്തിക സര്‍വേ വകുപ്പ് വിനോദസഞ്ചാര കേന്ദ്രങ്ങളിലെ താമസസ്ഥലങ്ങളില്‍നിന്ന് വിദേശ, ആഭ്യന്തര ടൂറിസ്റ്റുകളെ കുറിച്ചുള്ള വിവരങ്ങള്‍ എല്ലാമാസവും ശേഖരിക്കാറുണ്ട്. ഈ വിവരങ്ങളില്‍ കൃത്യതയില്ലായ്മയും ഇരട്ടിപ്പും കടന്നുവന്നിരുന്നു. ഇത്തരത്തിലുള്ള തെറ്റുകള്‍ ഒഴിവാക്കുന്നതിനാണ് സര്‍വേ.