ബദിയഡുക്ക: ബദിയഡുക്കയിലും ആദൂരിലും അനധികൃത മണല്‍ കടത്ത് പിടികൂടി. ബദിയഡുക്ക പൊലിസ് സ്റ്റേഷന്‍ പരിധിയിലെ മുണ്ട്യത്തടുക്ക മലങ്കര പാലത്തിന് സമീപത്തെ പുഴയില്‍ നിന്ന് മണല്‍ കടത്തുന്നുണ്ടെന്ന രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് പിടികൂടിയത്. പൊലിസ് എത്തിയതോടെ വാഹനത്തിന്റെ ഡ്രൈവര്‍ ഓടിരക്ഷപ്പെട്ടു. തുടര്‍ന്ന് വാഹനവും ചാക്കില്‍ നിറച്ച മണലും പൊലിസ് കസ്റ്റഡിയിലെടുത്തു. ആദൂര്‍ പൊലിസ് സ്റ്റേഷന്‍ പരിധിയിലെ അഡൂര്‍ ബെള്ളച്ചേരിയില്‍നിന്നു കര്‍ണാടകയിലെ ഊടു വഴിയിലൂടെ ടോറസ് ലോറിയില്‍ കടത്തുകയായിരുന്ന മണല്‍ ആദൂര്‍ പൊലിസ് പിടികൂടി.