ലാഹോര്‍: ശ്രീലങ്കയ്‌ക്കെതിരായ മൂന്നു മത്സരങ്ങളുടെ ടി20 പരമ്പരയും 3-0ന് പാകിസ്താന്‍ തൂത്തുവാരി. മൂന്നാം മത്സരത്തില്‍ പാകിസ്താന്‍ 36 റണ്‍സിനാണ് ജയം സ്വന്തമാക്കിയത്. പാകിസ്താന്‍ ഉയര്‍ത്തിയ 181 റണ്‍സ് റണ്‍സ് വിജയലക്ഷ്യം പിന്തുടര്‍ന്ന ശ്രീലങ്കയ്ക്ക് നിശ്ചിത ഓവറില്‍ ഒന്‍പതു വിക്കറ്റ് നഷ്ടത്തില്‍ 144 റണ്‍സെടുക്കാനേ സാധിച്ചുള്ളൂ.
ഷനാക(54) മാത്രമാണ് ലങ്കന്‍ നിരയില്‍ തിളങ്ങിയത്. നാലോവറില്‍ 13 റണ്‍സ് വഴങ്ങി നാലുവിക്കറ്റെടുത്ത മുഹമ്മദ് ആമിറാണ് പാകിസ്താന്‍ ബൗളര്‍മാരില്‍ തിളങ്ങിയത്. ഫഹീം അഷ്‌റഫ് രണ്ടു വിക്കറ്റെടുത്തു. നേരത്തെ ടോസ് നേടിയ ലങ്ക പാകിസ്താനെ ബാറ്റിങിനയക്കുകയായിരുന്നു.
ഷോയിബ് മാലിക്(24 പന്തില്‍ 51) ഉമര്‍ അമിന്‍(45) ഫഖര്‍ സമാന്‍(31) ബാബര്‍ അസം(34) എന്നിവര്‍ പാക് നിരയില്‍ തിളങ്ങി. മാലിക്കാണ് കളിയിലെയും പരമ്പരയിലെയും താരം.